Нав Исус 21:1 - Коми Библия 2023

¹ Левий чужанкотырлӧн рӧдкутысьяс локтісны Элазар поп дінӧ, Навлӧн Исус пи да Израиль чужанкотыръяслӧн рӧдкутысьяс дінӧ.

Нав Исус 21:1 Kruisverwysings

Олӧм 49:7

Ёрӧма налысь скӧрлунсӧ, ӧд сійӧ вывті чорыд, ёрӧма налысь ярлунсӧ, ӧд сійӧ звер кодь лёк. Яков пиян пӧвстӧ найӧс шыблала, Израиль чужанкотыръясӧ разӧда.

Петӧм 6:14

Тані лыддьӧдлӧма Израиль чужанкотыръяслысь рӧдкутысьяссӧ. Израильлӧн медводдза пиыс вӧлі Рувим. Рувимлӧн пияныс: Енок, Паллу, Хецрон да Карми. Насянь паськаліс Рувимлӧн рӧдыс.

Петӧм 6:25

Ааронлӧн Элазар пиыс босьтіс гӧтырӧ Футиэллӧн нывъяс пиысь ӧтиӧс, коді чужтіс сылы Пинесӧс. Тайӧ вӧліны Левий чужанкотырлӧн рӧдкутысьяс асланыс рӧд сертиныс.

Лыд 35:1

Моав ласта вылын Йӧрдан ю бокын, Ериконлы воча, Господь шуис Мӧисейлы:

Лыд 35:8

Кор Израиль пиянлӧн муысь кутанныд сетны левитъяслы каръяс, сэки ыджыдджык чужанкотыръяслысь босьтӧй унджыкӧс, а ичӧтджыкъяслысь – этшаджыкӧс. Быд чужанкотыр мед сетас левитъяслы каръяс аслас мулӧн ыджда серти».

Нав Исус 14:1

Израиль пиянлы Ханаан муысь вичмисны татшӧм муяс. Мусӧ налы юклісны Элазар поп, Навлӧн Исус пиыс да Израиль чужанкотыръяслӧн рӧдкутысьяс.

Нав Исус 17:4

Нывъяс локтісны Элазар поп дінӧ, Навлӧн Исус пи да юралысьяс дінӧ да шуисны: «Господь тшӧктіс Мӧисейлы сетны миянлы му юкӧн, кыдзи миян рӧдысь айуловлы». Салпаадлӧн нывъяслы вӧлі сетӧма му батьныслӧн вокъяслы моз, кыдзи тшӧктіс Господь.

Нав Исус 19:51

Элазар поп, Навлӧн Исус пиыс да Израиль чужанкотыръяслӧн рӧдкутысьяс пудъясьӧмӧн юклісны ставнас мусӧ Господь водзын Силомын, вежа чом пыранін дорын.