Нав Исус 20:8 - Коми Библия 2023

⁸ А Йӧрдан ю сайысь, Ерикон кар асыввылысь, торйӧдісны татшӧм каръяс: Рувим чужанкотырлӧн муысь овтӧминса вывтасінын сулалысь Бецер кар, Гад чужанкотырлӧн Галаад муысь Рамот кар да Манассей чужанкотырлӧн Васан муысь Голан кар.

Нав Исус 20:8 Kruisverwysings

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Ӧксыяслӧн 4 небӧг 8:28

Ахавлӧн Иорам пикӧд Ахазий петіс тышӧ арамейяслӧн Азаил ӧксылы паныд. Найӧ тышкасисны галаадса Рамот карын, кӧні арамейяс дойдісны Иорамӧс.

1 Каднебӧг 6:78

Йӧрдан юсянь асыввылын, Ериконлы воча, Рувим чужанкотыр вичмӧдіс налы овтӧминса Бецер кар да сыгӧгӧрса видзьяс, тшӧтш Яхац,

1 Каднебӧг 6:80

Гад чужанкотыр вичмӧдіс налы Галаадысь Рамот кар да сыгӧгӧрса видзьяс, тшӧтш Маханаим,

Индӧд 3:10

Галаад да Васан муясысь ми босьтім вывтасінса став карсӧ Салка да Эдрей каръясӧдз, кодъяс вӧліны Ог ӧксылӧн каръяс Васанын.

Индӧд 4:43

Со тайӧ каръясыс: Рувим чужанкотырлӧн муын овтӧминса вывтасінын сулалысь Бецер кар, Гад чужанкотырлӧн Галаад муын Рамот кар, Манассей чужанкотырлӧн Васан муын Голан кар.

Нав Исус 20:7

Галилеяысь, Неффалим керӧсвыв муысь, торйӧдісны Кедеш кар, Ефрем керӧсвыв муысь – Сикем кар да Иуда керӧсвыв муысь – Киръят-Арба кар, мӧд ногӧн кӧ, Хеврон кар, медым сэтчӧ вермас пышйыны морт виысь.

Нав Исус 20:9

Тайӧ каръясас вермис пышйыны быдӧн, коді мӧвпышттӧг виис мортӧс, Израиль пиян пӧвстысь-ӧ либӧ йӧз муысь локтысьяс пӧвстысь-ӧ сійӧ. Тадзи сійӧ вермис пышйыны водзӧс перйысь мортысь, медым сійӧс войтыр водзын мыждытӧг эз вины.

Нав Исус 21:27

Левий чужанкотырысь Гирсонсянь петысь рӧдъяслы вичмис Манассей джын чужанкотырлӧн муысь кык кар: Васан муысь Голан кар, кытчӧ вермас пышйыны морт виысь, да Беештера кар да нагӧгӧрса видзьяс.

Нав Исус 21:36

[Йӧрдан ю сайысь, Ерикон кар весьтысь,] Рувим чужанкотырлӧн муысь налы вичмис Бецер кар да сыгӧгӧрса видзьяс. [Бецер кар, кытчӧ вермис пышйыны морт виысь, сулаліс Мисор овтӧминын.] Нӧшта вичмисны Яхац кар да сыгӧгӧрса видзьяс,

Нав Исус 21:38

Гад чужанкотырлӧн Галаад муысь налы вичмис Рамот кар, кытчӧ вермас пышйыны морт виысь, да сыгӧгӧрса видзьяс. Налы вичмисны тшӧтш да Маханаим кар да сыгӧгӧрса видзьяс,