Нав Исус 2:9 - Коми Библия 2023

⁹ да шуис: «Ме тӧда, мый тайӧ мусӧ Господь сетіс тіянлы. Ми ставӧн полам тіянысь. Тайӧ муас став олысьыс дзӧрӧ-тіралӧ тіянысь.

Нав Исус 2:9 Kruisverwysings

Олӧм 35:5

Найӧ [петісны Сикемысь,] мӧдӧдчисны туйӧ. Матігӧгӧр каръясын олысьясӧс ыджыд полӧм босьтіс Енмысь, та вӧсна Яковлысь пиянсӧ эз вӧтӧдны.

Ӧксыяслӧн 2 небӧг 17:10

Сэки тэнад йӧзысь медся повтӧмыс, кӧть сылӧн сьӧлӧмыс левлӧн кодь, усяс ловнас. Ӧд став Израиль войтыр тӧдӧ, мый тэнад батьыд да сылӧн йӧзыс вына тышкасьысьяс.

Ӧксыяслӧн 4 небӧг 5:15

Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

Неемий 6:16

Кор миянӧс дзескӧдысьяс да миян гӧгӧр олысь войтыръяс кылісны та йылысь, повзисны. Налы яндзим лои, ӧд гӧгӧрвоисны, мый тайӧ уджсӧ вӧчны миянлы отсаліс миян Енным.

Эсфир 8:17

Быд муын да быд карын – быдлаын, кӧні юӧртісны ӧксылысь тшӧктӧмсӧ, иудейяслӧн вӧлі нимкодьлун да долыдлун, найӧ сёйисны-юисны да гажӧдчисны. Мукӧд войтыръясысь унаӧн лоисны иудейясӧн, ӧд полісны наысь.

Иов 19:25

Но ме тӧда, менам Мездысьӧй ловъя! Сійӧ медбӧръяыс, коді сувтас му вылӧ.

Петӧм 18:11

Ӧні ме тӧда, мый Господь став енсьыс ыджыд, ӧд Израиль войтырӧс Сійӧ мездіс вылӧ кыпӧдчысь египетсаяслӧн кипод улысь».

Петӧм 23:27

Тіян водзвылын Ме ыста полӧм, шӧйӧвошта войтыръясӧс, кодъяс дінӧ ті матыстчанныд. Ме разӧда тіян водзысь вӧрӧгнытӧ.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Исай 23:5

Кор Тир йылысь юӧрыс воас Египетӧдз, сэні олысьяс сыркмунасны.

Еремей 27:5

мый Аслам ыджыд вынӧн да нюжӧдӧм киӧн Ме вӧчи мусӧ, йӧзӧс да мувывса пемӧсъясӧс и сета найӧс кодлы кӧсъя.

Наум 2:10

Ниневия карӧс куштӧма-бырӧдӧма. Сьӧлӧмъяс висьӧны, пидзӧсъяс тіралӧны. Дойысла йӧзыс куснясьӧны, налӧн чужӧмныс быгалӧма.

Лыд 20:14

Кадешсянь Мӧисей ыстіс ӧткымын мортӧс эдомса ӧксы дінӧ висьтавны: «Тадзи висьталӧ тэнад Израиль вокыд. Тэ тӧдан, мыйта сьӧкыдсӧ ковмис нуны миянлы.

Лыд 20:24

«Мерива ва петанінын ті энӧ кывзысьӧй Менсьым. Та вӧсна Аарон оз пыр сійӧ муас, мый Ме сета Израиль пиянлы. Сылы кад воис вуджны батьясыс дінӧ.

Матвей 20:15

Ог ӧмӧй ме вермы ассьым сьӧмӧс видзны ас кӧсйӧм серти? Тэнад ӧмӧй вежыд петӧ, мый ме бур сьӧлӧма?”

Индӧд 11:25

Некод оз вермы тіянлы паныд сувтны, ӧд Господь, тіян Енныд, кӧдзас тіянысь полӧм-тіралӧм быдлаын, кытчӧ ті сувтанныд кокнад. Та йылысь Сійӧ висьтавліс тіянлы.

Индӧд 2:25

Талунсянь енэжувса войтыръяс пӧвстын Ме понда кӧдзны полӧм-тіралӧм. Кодъяс кыласны тіян йылысь, повзясны тіянысь да весьӧпӧрасны”.

Индӧд 28:10

Мувывса войтыръяс аддзасны, мый ті Господьлӧн [тіян Енлӧн] войтыр, да кутасны повны тіянысь.

Индӧд 32:8

Кор Медвылыссаыс юкліс войтыръяслы му, кор разӧдіс-овмӧдіс йӧзсӧ му пасьтала, Сійӧ индіс мудоръяс Израиль пиян лыд серти.

Еврейяслы 11:31

Эскӧм вӧсна Раав нима кырсалысь ань эз кув эскытӧмъяскӧд ӧтвыв, ӧд сійӧ бур сьӧлӧмӧн сибӧдіс израильса кыйӧдчысьясӧс.

Нав Исус 2:11

и тайӧс кылӧм бӧрын миянӧс полӧм босьтіс. Ӧні миян пӧвстысь некод оз лысьт сувтны тіянлы паныд, ӧд Господь, тіян Енныд, эм енэжас и му вылас ыджыдалысь Ен.

Нав Исус 2:24

«Господь [миян Енным] сетіс миян киӧ сійӧ мусӧ, – шуисны найӧ Исуслы. – Сэтчӧс олысьяс ставныс ёна полӧны миянысь».

Нав Исус 2:8

Кыйӧдчысьяслӧн узьны водтӧдз Раав кайис на дінӧ керка вевт вылас

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.

Нав Исус 6:2

Аслад став тышкайӧзкӧд ӧтчыдысь луннас кытшовтӧй кар гӧгӧрыс. Тадзи вӧчӧй квайт лун чӧж.

Нав Исус 9:10

да аморейяслӧн кык ӧксылы Йӧрдан сайын, хешбонса Сигон ӧксылы да васанса Ог ӧксылы, коді оліс Аштаротын [да Эдрейын].

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.

Нав Исус 9:9

Найӧ вочавидзисны: «Ми, тэнад кесйӧгъяс, локтім зэв ылі муысь. Ми кывлім тіян Господь Енлӧн выныс йылысь. Кывлім, мый Сійӧ вӧчис Египетын

Ёрдысьяс 7:14

Ёртыс вочавидзис: «Тайӧ израильса Гедеонлӧн, Йоас пилӧн, шыпуртыс. Енмыс сетас сы киӧ мадиансаясӧс да став тайӧ тышкайӧзсӧ».