Нав Исус 2:5 - Коми Библия 2023

⁵ Рытгорувнас, дзиръя пӧдлалан кадӧ, найӧ петісны ме ордысь, но кытчӧ мунісны, ме ог тӧд. Тэрмасьӧй, гашкӧ, суӧданныд на найӧс».

Нав Исус 2:5 Kruisverwysings

Неемий 13:19

Шойччан лун водзвылын, кор Ерусалим дзиръяяс дорын шондіыс саяліс, ме тшӧкті йигнавны дзиръяяс да эг лэдз восьтны шойччан лун помасьтӧдз. Ме сувтӧді дзиръяяс дорӧ ассьым кесйӧгъясӧс, медым нинӧм эз лэдзны вайны карӧ шойччан лунӧ.

Исай 60:11

Тэнад дзиръяясыд пыр лоӧны восьсаӧсь, лун и вой найӧс оз кутны пӧдлавны, тэныд пондасны вайны войтыръяслысь озырлунсӧ, тэ дінӧ вайӧдасны налысь ӧксыяссӧ.

Еремей 50:20

Сійӧ лунъясас, сійӧ кадас, – висьталӧ Господь, – кутасны корсьны Израиль войтырлысь лёк вӧчӧмъяссӧ, но весьшӧрӧ, кутасны корсьны Иуда войтырлысь мыжъяссӧ, но оз аддзыны, ӧд Ме прӧстита найӧс, кодъясӧс ловйӧн коля.

Езекиль 47:12

Ю ӧтар-мӧдар пӧлӧныс кутасны быдмыны быдсяма вотӧса пуяс. Налӧн коръясыс оз косьмыны, и налӧн вотӧсыс оз бырлы. Пуясыс быд тӧлысь вайӧны вотӧс, ӧд найӧс юкталӧ вежаинсянь визувтысь ва. Тайӧ пуяслысь вотӧссӧ кутасны сёйны, а корнас бурдӧдчыны».

Нав Исус 2:4

Но Раав дзебис сы ордӧ локтӧм кык мортӧс, а ӧксыӧн мӧдӧдӧм йӧзыслы шуис: «Збыльысь, ме ордӧ волісны кык морт, но кытысь найӧ, ме ог тӧд.

Нав Исус 2:6

Збыльвылас ань нуӧдіс кыйӧдчысьясӧс керка вевт вылас да дзебис найӧс шабді кольтаяс улӧ.

Нав Исус 2:7

Ӧксылӧн йӧзыс уськӧдчисны вӧтӧдны кыйӧдчысьясӧс Йӧрдан ю дорӧ нуӧдысь туйӧд да воисны ю вуджанінӧдз. Карысь налӧн петӧм бӧрын карса дзиръясӧ пӧдлалісны.

Восьтӧм 21:25

Карыслӧн дзиръяясыс лоӧны пыр восьсаӧсь, ӧд войыс сэні оз ло.

Ӧксыяслӧн 1 небӧг 19:14

Саул мӧдӧдіс кесйӧгъяссӧ, мед босьтны Давидӧс. Но Мелкола шуис налы, сійӧ пӧ висьӧ.