Нав Исус 18:3 - Коми Библия 2023

³ Исус шуис Израиль пиянлы: «Дыр-ӧ на ті кутанныд нюжмасьны да онӧ мунӧй босьтны аслыныд му, мый Господь, тіян батьяслӧн Ен, сетіс тіянлы?

Нав Исус 18:3 Kruisverwysings

Шусьӧгъяс 10:4

Дышӧдчысь киыд гӧльмӧдӧ, а зільыд – озырмӧдӧ.

Шусьӧгъяс 13:4

Дыш морт унатор кӧсйӧ, но весьшӧрӧ, зіль мортлӧн кӧсйӧмыс збыльмӧ.

Шусьӧгъяс 15:19

Дыш мортлӧн туй вылас лежнӧг быдмӧ, веськыда олысьлӧн туйыс шыльыд.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Софоний 3:16

Сійӧ лунӧ Ерусалимлы шуасны: «Эн пов, Сион! Тэнад киыд мед оз жебмы!»

Матвей 20:6

Сэсся вит час гӧгӧрын петас да аддзас, кодсюрӧ век на сулалӧны. Сійӧ юалас налысь: ”Мый тані сулаланныд кузь лунтырсӧ?”

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Нав Исус 1:6

Ло зумыд да повтӧм! Тэ юклан Израиль войтырлы мусӧ, мый Ме кыв сетӧмӧн кӧсйыси сетны налӧн батьяслы.

Нав Исус 13:1

Исус вӧлі ыджыд арлыда нин. Господь шуис сылы: «Тэ пӧрысьмин, а Израиль войтырлы уна му на колӧ босьтны аслыныс:

Нав Исус 18:2

но сизим чужанкотырлы мусӧ абу на вӧлі юкӧма.

Нав Исус 18:4

Торйӧдӧй быд чужанкотырысь куим мортӧс, и ме мӧдӧда найӧс видзӧдавны мусӧ. Найӧ мед кытшовтасны мусӧ да гижаласны сы йылысь ставсӧ, медым сэсся юклыны сійӧс. Та бӧрын мед локтасны ме дінӧ.

Ёрдысьяс 18:9

Найӧ вочавидзисны: «Уськӧдчамӧй Лаис кар вылӧ. Ми аддзылім, мый сэтчӧс муыс зэв бур. Мый виччысянныд? Тэрмасьӧй босьтны сэтчӧс мусӧ!