Нав Исус 17:2 - Коми Библия 2023

² Ӧні му вичмис тшӧтш Манассей чужанкотырлӧн мукӧд рӧдъяслы: Авиэзер, Хелек, Асриэл, Шекем, Хефер да Шемид рӧдъяслы. Тайӧ вӧліны Манассейлӧн, Ӧсип пилӧн, пияныс да налӧн рӧдъясыс.

Нав Исус 17:2 Kruisverwysings

1 Каднебӧг 7:18

Галаадлӧн Молекеф нима чойыс чужтіс Ишходӧс, Авиэзерӧс да Махлаӧс.

Нав Исус 17:1

Водзӧ пудйыс уси Манассей чужанкотырлы. Манассей вӧлі Ӧсиплӧн медводдза пиыс, а Манассейлӧн медводдза пиыс вӧлі Макир, вына тышкасьысь да Галаадлӧн батьыс. Макирлы вӧлі водзынджык вичмӧдӧма Галаад да Васан муяс.

Нав Исус 17:3

Манассей чужанкотырысь Салпаадлӧн эз вӧв пияныс. Салпаад вӧлі Хеферлӧн пи, Хефер – Галаадлӧн, Галаад – Макирлӧн, Макир – Манассейлӧн. Салпаадлӧн вӧліны сӧмын Махла, Ноа, Хогла, Милка да Тирза нывъяс.

Ёрдысьяс 6:11

Господьлӧн андел локтіс Офраӧ да пуксис Авиэзер рӧдысь Йоаслӧн тупу улӧ. Тайӧ кадас Гедеон, Йоаслӧн пиыс, виноград пычкан гуын вартіс шобді. Сэтчӧ сайӧдчис мадиансаясысь, медым найӧ эз тӧдмавны нянь йылысь.

Ёрдысьяс 8:2

Гедеон вочавидзис: «Ефремсянь чужысьяс, ті ӧд вӧчинныд ме дорысь унджык на! Ті чукӧртінныд бӧръя виноград розъяссӧ, тадзи унджык вӧчинныд Авиэзер рӧд дорысь.