Нав Исус 17:18 - Коми Библия 2023

¹⁸ вичмас тшӧтш керӧсвыв муыс. Ті пӧрӧданныд сэтысь вӧрсӧ, и муыс помсянь помӧдзыс тіян лоӧ. Ті вӧтланныд [да верманныд] ханаансаясӧс, мед кӧ найӧ ёнӧсь, и налӧн эмӧсь тышӧ ветлан тарантасъяс».

Нав Исус 17:18 Kruisverwysings

Олӧм 49:24

но ньӧввужйыс сылӧн эз личавлы, ки сӧнъясыс колины крепыдӧсь, ӧд сылы отсаліс Яковлӧн вына Ен, сійӧс Видзысьыс, Израильлӧн зумыд Изйыс.

Ӧксыяслӧн 2 небӧг 18:6

Давидлӧн тышкайӧзыс петісны тышӧ израильсаяслы паныд. Тышыс муніс Ефрем вӧрын.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

Индӧд 33:17

Ӧсиплӧн выныс медводдза чужысь ӧшлӧн кодь, сылӧн сюръясыс вӧлявывса ӧшлӧн кодьӧсь, наӧн люкалӧ войтыръясӧс, вӧтлӧ найӧс му помӧдзыс. Татшӧмӧсь Ефрем чужанкотырлӧн лыдтӧм-тшӧттӧм йӧзыс, Манассей чужанкотырлӧн уна сюрс йӧзыс.

Еврейяслы 13:6

Та вӧсна ми повтӧг шуам: – Господь – менам отсӧгыс, меным нинӧмысь повнысӧ. Мый вӧчас меным морт?

Нав Исус 13:6

Ме вӧтла Израиль пиян водзысь керӧсвыв муын олысь сидонсаясӧс Ливансянь Мисрефот-Маимӧдз. Юк тайӧ муяссӧ Израиль войтырлы, кыдзи Ме тшӧкті тэныд.

Нав Исус 15:9

Керӧс йывсянь мудорыс веськӧдчӧ Нефтоах ва петанінлань да Ефрон керӧсвыв каръяслань, сэсянь бергӧдчӧ Баалалань, мӧд ногӧн кӧ, Киръят-Яримлань.

Нав Исус 17:17

Но Исус вочавидзис Ӧсипсянь чужысьяслы, Ефрем да Манассей чужанкотыръяслы: «Ті уна лыдаӧсь да вынаӧсь. Тіянлы оз сӧмын ӧти му юкӧн вичмы,

Нав Исус 20:7

Галилеяысь, Неффалим керӧсвыв муысь, торйӧдісны Кедеш кар, Ефрем керӧсвыв муысь – Сикем кар да Иуда керӧсвыв муысь – Киръят-Арба кар, мӧд ногӧн кӧ, Хеврон кар, медым сэтчӧ вермас пышйыны морт виысь.

Ӧксыяслӧн 1 небӧг 1:1

Ефрем керӧсвыв муын, Раматаим-Зофим карын, оліс Элкан нима морт. Рӧднас сійӧ вӧлі Епрафаысь. Сійӧ вӧлі Ерохамлӧн пи, Ерохам – Элихулӧн, Элиху – Тохулӧн, Тоху – Цуфлӧн.