Нав Исус 17:11 - Коми Библия 2023

¹¹ Иссакар да Асир чужанкотыръяслӧн муясысь Манассей чужанкотырлы вичмис Бет-Шеан, Ивлеам, Дор, Эн-Дор, Танак да Мегиддо каръяс, нагӧгӧрса сиктъяс да Нафет муысь коймӧд юкӧныс [сиктъяснас].

Нав Исус 17:11 Kruisverwysings

Ӧксыяслӧн 2 небӧг 21:12

Давид муніс Галаад муӧ, мед босьтны Явис карысь Сауллысь да сылӧн Ионафан пилысь лыяссӧ. Гелвуын Саулӧс вермӧм бӧрын филистимсаяс ӧшӧдісны налысь шойяссӧ Бет-Шеан карса изэрд вылӧ, но Явис карын олысьяс гусялісны найӧс.

Ӧксыяслӧн 3 небӧг 9:15

Медым лэптыны Господьлы крам, аслыс ӧксы керка, Милло, Ерусалим стенъяс, Хацор, Мегиддо да Гезер каръяс, Соломон ӧксы уджӧдіс йӧзӧс, кодъяс уджалӧмнас мынтісны вот.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

1 Каднебӧг 6:70

Манассейлӧн джын чужанкотырыс вичмӧдіс Каафсянь чужысьясысь ӧткымын рӧдлы Анер да Билеам каръяс да нагӧгӧрса видзьяс.

1 Каднебӧг 7:29

Манассей чужанкотырлӧн кипод улын вӧліны Бет-Шеан, Танак, Мегиддо да Дор каръяс да нагӧгӧрса сиктъяс. Тайӧ кар-сиктъясас олісны Израильлӧн Ӧсип писянь чужысьяс.

2 Каднебӧг 35:22

Но Иосей дасьтысис тыш кежлӧ, эз бӧрыньтчы. Сійӧ эз кывзы Неколысь Енсянь висьталӧм кывъяссӧ, и Мегиддо ковтысын паніс тыш.

Псалтыр 83:10

Енмӧй, миянӧс Дорйысьӧй, видзӧдлы Аслад Мавтыштӧмаыд вылӧ.

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Закар 12:11

Сійӧ лунӧ Ерусалимын кутас кывны гораа ырзӧм-бӧрдӧм, сэтшӧм бӧрдӧм, кутшӧмӧс кывлісны Хадад-Риммонын Мегиддо ковтысын.

Нав Исус 11:2

нӧшта ӧксыяс дінӧ, кодъяс олісны войвыв керӧсъяс вылын, Йӧрдан ковтысын Киннерет тысянь лунвылын, керӧсбердса муын да рытыввыв Нафат-Дор муын.

Нав Исус 12:21

Танак, Мегиддо,

Нав Исус 12:23

Нафат-Дор бердын Дор кар, Галилеяын Гоим кар

Нав Исус 16:9

Налы нӧшта на торйӧдӧма каръяс да нагӧгӧрса сиктъяс Манассей чужанкотырлӧн муысь.

Нав Исус 17:10

Ефрем чужанкотырлӧн муыс ю лунвывладорас, а Манассей чужанкотырлӧн – ю войвывладорас. Налӧн муясыс помасьӧны Ыджыд саридз дорын. Войвылын Манассей чужанкотырлӧн муыс нюжӧдчӧ Асир чужанкотырлӧн муӧдз, а асыввылын – Иссакар чужанкотырлӧн муӧдз.

Нав Исус 17:16

Ӧсипсянь чужысьяс шуисны: «Тайӧ керӧсвыв муас миянлы дзескыд. Но ковтысын олӧны ханаансаяс, и налӧн эмӧсь тышӧ ветлан тарантасъяс Бет-Шеанын, сыгӧгӧрса сиктъясын да Изреель ковтысын».

Ёрдысьяс 1:27

Манассей чужанкотыр эз вермы босьтны Бет-Шеан карсӧ [мӧд ногӧн кӧ, Скифополь карсӧ,] да сыгӧгӧрса сиктъяссӧ, Танак, Дор, Ивлеам да Мегиддо каръяссӧ да нагӧгӧрса сиктъяссӧ. Та вӧсна ханаансаяс кольччисны овны тайӧ муас.

Ёрдысьяс 5:19

Ӧксыяс локтісны вермасьны, Танакын, мегиддоса ваяс дорын, тышкасисны, но ханаанса ӧксыяслы эзысь эз вичмы.

Ӧксыяслӧн 1 небӧг 28:7

Саул шуис аслас кесйӧгъяслы: «Корсьӧй меным аньӧс, коді вермӧ корны кулӧмаӧс. Ме ветла сы дінӧ отсӧгла». Кесйӧгъяс вочавидзисны: «Эн-Дорын эм татшӧм аньыс».

Ӧксыяслӧн 1 небӧг 31:10

Сауллысь тышкасянторъяссӧ пуктісны Астарталы юрбитанінӧ, а шойсӧ ӧшӧдісны Бет-Шеан карса стен бердӧ.

Ӧксыяслӧн 1 небӧг 31:12

сэки став збой йӧзыс петісны туйӧ да войбыд мунісны. Найӧ босьтісны Сауллысь да пияныслысь шойяссӧ, кодъяс ӧшалісны Бет-Шеан стен бердын, вайисны Явис карӧ да сотісны.