Нав Исус 16:10 - Коми Библия 2023

¹⁰ Ефремсянь чужысьяс эз вӧтлыны Гезерын олысь ханаансаясӧс, та вӧсна ӧнӧдз ханаансаяс олӧны Ефрем чужанкотыр пӧвстын да уджалӧмнас мынтӧны налы вот. [Бӧрынджык фараон, египетса ӧксы, босьтіс Гезер кар да сотіс сійӧс. Сэтысь виалісны ханаансаясӧс, перезейясӧс да мукӧд олысьясӧс. Фараон сетіс карсӧ аслас нывлы козин пыдди.]

Нав Исус 16:10 Kruisverwysings

Ӧксыяслӧн 3 небӧг 9:15

Медым лэптыны Господьлы крам, аслыс ӧксы керка, Милло, Ерусалим стенъяс, Хацор, Мегиддо да Гезер каръяс, Соломон ӧксы уджӧдіс йӧзӧс, кодъяс уджалӧмнас мынтісны вот.

Ӧксыяслӧн 3 небӧг 9:16

Фараон, египетса ӧксы, водзынджык уськӧдчыліс Гезер кар вылӧ да сотіс сійӧс. Сэтчӧс олысь ханаансаясӧс виаліс, а карсӧ сетіс козин пыдди аслас нывлы, Соломонлӧн гӧтырлы.

Нав Исус 10:33

Тыш дырйи Лакиш карлы отсӧг вылӧ локтіс гезерса Хорам ӧксы. Но Исус вермис сійӧс да сылысь войтырсӧ [шыпуртӧн], ставнысӧ ӧтитӧг виис. Некод ловйӧн эз коль [и эз пышйы].

Нав Исус 15:63

Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.

Нав Исус 16:9

Налы нӧшта на торйӧдӧма каръяс да нагӧгӧрса сиктъяс Манассей чужанкотырлӧн муысь.

Нав Исус 17:12

Манассейсянь чужысьяс эз вермыны босьтны аслыныд тайӧ каръяссӧ, та вӧсна ханаансаяс кольччисны овны тайӧ муас.

Нав Исус 17:13

Бӧрынджык, кор Израиль пиян вынсялісны, найӧ уджӧдісны ханаансаясӧс вот мынтӧм могысь, но эз вӧтлыны.

Ёрдысьяс 1:29

Ефрем чужанкотыр эз вӧтлы Гезерын олысь ханаансаясӧс. Ханаансаяс кольччисны овны на пӧвстӧ Гезерӧ [да мынтісны налы вот].