Нав Исус 15:2 - Коми Библия 2023

² Налӧн лунвыв мудорныс заводитчӧ Сола саридз лунвывладорсянь,

Нав Исус 15:2 Kruisverwysings

Олӧм 14:3

Тайӧ вит ӧксыыс чукӧртчисны асланыс тышкайӧзкӧд Сиддим ковтысӧ, ӧні сэні Сола саридз.

Исай 11:15

Господь косьтас Египетса саридзлысь куръясӧ, нюжӧдас юлань Ассьыс кисӧ да кыпӧдас ыджыд тӧвныр, Сійӧ юкас юсӧ сизим шор вылӧ, и йӧзыс сэті подӧн вуджасны.

Езекиль 47:18

Асыввылын мудорыс мунас Хавран да Дамаск муяс костті, Галаад да Израиль муяс костын мудорыс мунас Йӧрдан юті асыввыв саридз дорӧдз. Тайӧ асыввыв мудор.

Езекиль 47:8

Морт шуис меным: «Тайӧ ваыс визувтӧ асыввыв муясӧ, лэччӧ Йӧрдан ковтысӧ да усьӧ Сола саридзӧ. Сэні ваыс бурмас да водзӧ оз нин ло сола.

Лыд 34:3

Лунвыв мудорыс мунас Цин овтӧминсянь Эдом му бокті. Асыввылын сійӧ заводитчас Сола саридз лунвывладорсянь,

Нав Исус 15:1

Пудъясьӧм бӧрын Иуда чужанкотырлӧн рӧдъяслы вичмис лунвылысь му. Муыс нюжӧдчӧ Эдом муӧдз да Цин овтӧминӧдз.

Нав Исус 15:3

мунӧ лунвылӧ Акравим ыблань, сэсянь – Цин овтӧминӧ, кытшовтӧ Кадеш-Варни лунвывладорсяньыс да мунӧ Хецрон дорті Аддарӧ, кытысянь [Кадеш рытыввывладорсяньыс] бергӧдчӧ Каркалань.

Нав Исус 3:16

ваыс дугдіс визувтны да сувтіс стенӧн ылӧ, Адам кар дорӧ, мый Цартан карсянь матын. А визувтысь ваыс лэччис ковтысса Сола саридзӧ да бырис.