Нав Исус 14:4 - Коми Библия 2023

⁴ Ӧсип пиянсянь петісны Манассейлӧн да Ефремлӧн чужанкотыръяс. Левитъяслы торйӧдісны олан каръяс да на гӧгӧрысь ыж-мӧсныслы видзьяс, а му эз сетны.

Нав Исус 14:4 Kruisverwysings

Олӧм 41:51

Медводдза пиыслы Ӧсип пуктіс Манассей ним, ӧд шуис, Енмыс пӧ сетіс вунӧдны ассьым шоглунӧс да бать керкаӧс.

Олӧм 41:52

Мӧдыслы пуктіс Ефрем ним, ӧд шуис, Енмыс пӧ вӧчис менӧ вотӧса пуӧн тайӧ муас, кӧні ме сьӧкыдалі.

Олӧм 46:20

Ӧсиплӧн Египет муын чужисны Манассей да Ефрем, кодъясӧс сылы чужтіс Асената, Он карысь Поти-Пер поплӧн нылыс.

Олӧм 48:1

Кад мысти Ӧсип тӧдмаліс батьыслӧн висьмӧм йылысь. Сійӧ босьтіс аскӧдыс Манассей да Ефрем пиянсӧ [да муніс Яков дінӧ].

Олӧм 48:5

Тэнад кыкнан пиыд, Ефремыд да Манассейыд, кодъяс чужисны Египетын менам тэ дорӧ локтӧдз, Рувим да Симеон моз лоӧны менам пиянӧн.

Олӧм 48:6

Тэнад пияныдлы, кодъяс чужасны на, Ефрем да Манассей вокъяс ним улын му пайыс вичмас.

2 Каднебӧг 30:1

Езекей мӧдӧдіс юӧртысьясӧс Израиль да Иуда муӧ, тшӧтш ыстіс гижӧдъяс Ефрем да Манассей чужанкотыръяслы. Сійӧ чукӧстіс ставнысӧ локны Господьлӧн крамӧ Ерусалимӧ, медым пасйыны Израильлӧн Господь Енлысь Ыджыд лун.

Лыд 26:28

Ӧсиплӧн вӧліны Манассей да Ефрем пиян.

Нав Исус 16:4

Татшӧм му вичмис Ӧсипсянь чужысьяслы, Манассей да Ефрем чужанкотыръяслы.