Нав Исус 13:9 - Коми Библия 2023

⁹ Лунвылын налӧн муыс заводитчӧ Арнон ю бокын сулалысь Ароэр карсянь да Арнон ковтыс шӧрын сулалысь карсянь. Налӧн муас пырӧны Медева вывтасін Дивон карӧдз,

Нав Исус 13:9 Kruisverwysings

Ӧксыяслӧн 2 небӧг 24:5

Найӧ вуджисны Йӧрдан ю да сувтісны Ароэр карсянь лунвывладорӧ. Карыс сулаліс Гад ковтыс шӧрын. Сэтысянь мунісны Язер карӧ,

1 Каднебӧг 19:7

Найӧ медалісны комын кык сюрс тарантас да маакаса ӧксыӧс сылӧн тышкайӧзкӧд. Найӧ локтісны да сувтісны Медева кар водзӧ. Аммонсаяс асланыс каръясысь чукӧртчисны ӧти карӧ да дасьтысисны петны тышӧ.

Неемий 11:25

Иуда чужанкотырлӧн вӧліны видз-муа сиктъяс: Киръят-Арба да сыгӧгӧрса грездъяс, Дивон да сыгӧгӧрса грездъяс, Екавцел да сыгӧгӧрса сиктъяс,

Исай 15:2

Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.

Еремей 48:18

Дивонын олысьяс, лэччӧй нималана пукаланінсьыныд, пуксьӧй косьмӧм му вылӧ, ӧд Моавӧс пазӧдысь уськӧдчас тіян вылӧ да бырӧдас изкаръяснытӧ.

Еремей 48:22

Дивон, Нево да Бет-Дивлатаим каръясӧс,

Еремей 48:8

Вӧрӧг локтас да бырӧдас моавса каръяс, ни ӧти кар оз мездмы. Ковтыссӧ лоӧ бырӧдӧма, вывтасінсӧ лоӧ куштӧма, – тадзи висьталіс Господь.

Лыд 21:30

Но ми лыйлім аморейясӧс ньӧвъясӧн, Хешбон карсянь Дивон карӧдз ставнысӧ виалім, Медева кардорса Нофаӧдз ставнысӧ бырӧдім.

Индӧд 2:36

Ковтысын сулалысь карсянь да Арнон ю бокын сулалысь Ароэр карсянь Галаад керӧсвыв муӧдз став карсӧ ми босьтім аслыным. Господь, миян Енным, ставсӧ сетіс миян киӧ.

Индӧд 3:12

«Сэки ми босьтім Арнон ю бокын сулалысь Ароэр карсянь войвылӧ паськӧдчӧм му. Тайӧ мусӧ да Галаад керӧсвыв му джынсӧ сэтчӧс каръяснас ме сеті Рувим да Гад чужанкотыръяслы.

Индӧд 3:16

а Рувим да Гад чужанкотыръяслы сеті мусӧ Галаад му бокті визувтысь Явок юсянь Арнон юӧдз. Асыввылын налӧн муыс паськӧдчӧ аммон войтырлӧн муӧдз.

Нав Исус 12:2

Аморейяслӧн Сигон ӧксы оліс Хешбонын. Сылӧн кипод улын вӧлі Галаад мулӧн джынйыс, мый лунвылын заводитчис Арнон ю бокын сулалысь Ароэр карсянь да Арнон ковтыс шӧрсянь. Войвылын сылӧн муыс нюжӧдчис Явок юӧдз, а асыввылын – аммон войтырлӧн муӧдз.

Нав Исус 13:10

аморейяслӧн Хешбонын юралысь Сигон ӧксылӧн каръяс аммон войтырлӧн оланінӧдз,

Нав Исус 13:16

му Арнон ю бокын сулалысь Ароэр карсянь да Арнон ковтыс шӧрын сулалысь карсянь войвылӧ, тшӧтш Медева вывтасін,

Нав Исус 13:8

Рувим да Гад чужанкотыръяслы да Манассейлӧн джын чужанкотырлы Мӧисей, Господьлӧн кесйӧг, сетіс му Йӧрдан ю асыввылысь.