Нав Исус 13:6 - Коми Библия 2023

⁶ Ме вӧтла Израиль пиян водзысь керӧсвыв муын олысь сидонсаясӧс Ливансянь Мисрефот-Маимӧдз. Юк тайӧ муяссӧ Израиль войтырлы, кыдзи Ме тшӧкті тэныд.

Нав Исус 13:6 Kruisverwysings

Псалтыр 80:8

Сьӧкыдалігад тэ шыасин Ме дінӧ, и Ме мезді тэнӧ. Гым пытшсянь Ме вочавидзи тэныд, Мерива ва дорын тӧдмалі тэнӧ.

Лыд 33:54

Пудъясьӧмӧн юклӧй мусӧ чужанкотыръясныдлы. Кутшӧм чужанкотырын йӧзыс унджык, сэтшӧм чужанкотырлы сетӧй ыджыдджык му, а кутшӧм чужанкотырын йӧзыс этшаджык, сэтшӧм чужанкотырлы сетӧй ичӧтджык му. Пудъясьӧм серти кодлы кытысь усьӧ муыс, сэні и лоӧ сылӧн пайыс.

Нав Исус 1:6

Ло зумыд да повтӧм! Тэ юклан Израиль войтырлы мусӧ, мый Ме кыв сетӧмӧн кӧсйыси сетны налӧн батьяслы.

Нав Исус 11:12

Исус босьтіс тшӧтш мукӧд ӧксыяслысь каръяссӧ, виис шыпуртӧн став ӧксысӧ да сэтчӧс олысьясӧс. Сійӧ дзикӧдз бырӧдіс ставнысӧ, кыдзи тшӧктіс Мӧисей, Господьлӧн кесйӧг.

Нав Исус 11:8

Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].

Нав Исус 13:7

Юк мусӧ ӧкмыс чужанкотырлы да Манассейлӧн джын чужанкотырлы [рытыввылысь мусӧ Йӧрдан юсянь Ыджыд саридзӧдз сет налы]».

Нав Исус 23:13

сэки тӧдӧй, мый Господь, тіян Енныд, оз кут вӧтлыны тіян водзысь тайӧ войтыръяссӧ. Найӧ лоӧны тіянлы лэчкӧн да тывйӧн, тіянлысь мышкутӧ нӧйтысь орсӧн да синманыд пырысь ёгӧн, кытчӧдз онӧ бырӧй тайӧ бур му вывсьыс, мый сетіс тіянлы Господь, тіян Енныд.

Нав Исус 23:4

Ме пудъясьӧмӧн юклі тіян чужанкотыръяслы мусӧ, мый босьтім тані олысь войтыръяслысь да сійӧ войтыръяслысь, кодъясӧс ме бырӧді Йӧрдан ю рытыввывсянь Ыджыд саридзӧдз.

Нав Исус 23:5

Господь, тіян Енныд, Ачыс вӧтлас тіян пӧвстӧ кольӧм войтыръясӧс [кытчӧдз найӧ оз бырны. Господь мӧдӧдас зверъясӧс на вылӧ, кытчӧдз тіян водзысь оз бырӧд найӧс да налысь ӧксыяссӧ]. Сійӧ бырӧдас найӧс тіян водзысь, и налӧн муыс вичмас тіянлы, кыдзи кӧсйысис тіянлы Господь, тіян Енныд.