Нав Исус 13:5 - Коми Библия 2023

⁵ тшӧтш [филистимсаяслӧн] Гевал му да асыввыв Ливан му Ермон керӧс бокын сулалысь Ваал-Гад карсянь Лево-Хаматӧдз.

Нав Исус 13:5 Kruisverwysings

Ӧксыяслӧн 3 небӧг 5:18

Соломонлӧн йӧзыс лӧсалісны изъяссӧ Хирамлӧн йӧзкӧд да гевалсаяскӧд ӧтлаын. Тадзи [куим во чӧж] найӧ дасьтісны керъяс да изъяс Ен керка лэптӧм вылӧ.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Псалтыр 83:7

Бӧрдан сёртасӧд мунысьяслы воссьӧ сэні ва петанін, зэрыс кисьтӧ сэні бурсиӧмсӧ.

Исай 10:9

Калне усис Каркемис моз, Хамат – Арпад моз, Самария – Дамаск моз.

Еремей 52:9

Седекей ӧксыӧс кутісны да вайӧдісны вавилонса ӧксы дінӧ Ривлаӧ, Хамат муӧ. Сэні вавилонса ӧксы мыждіс Седекейӧс.

Езекиль 27:9

Гевалса юрнуӧдысьяс да кужысь йӧз дзоньтавлісны письтӧминъястӧ, саридз вывті кывтысь корабльяс локтісны тэ дінӧ вузасьны-ньӧбасьны.

Амос 6:2

Мунӧй Калне карӧ да видзӧдлӧй, сэтысянь мунӧй ыджыд Хамат карӧ, лэччӧй филистимса Геф карӧ. Ті ӧд наысь абу ёнджыкӧсь. Налӧн ӧмӧй муныс тіянысь ыджыдджык?

Лыд 13:21

Вына-ӧ муыс, сетӧ-ӧ сійӧ бур быдтас? Быдмӧны-ӧ сэні пуяс? Лоӧй повтӧмӧсь, вайӧй сэтысь вотӧс». Сэки вӧлі виноград кисьман кад.

Лыд 34:8

а Ор керӧссянь – Лево-Хаматӧ да водзӧ Цедадӧдз.

Индӧд 1:7

Мунӧй Ханаан муӧ – аморейяслӧн керӧсвыв муӧ да накӧд орччӧн олысь войтыръяс дінӧ, кодъяс олӧны Йӧрдан ковтысын, керӧсвыв муын, рытыввылын керӧсбердса муын, Негев муын да саридздор муын. Овмӧдчӧй налӧн муӧ да Ливанӧ, паськӧдчӧй весиг ыджыд Ефрат ю дорӧдз.

Индӧд 3:25

Ыджыдӧй, лэдз меным вуджны Йӧрдан ю да видзӧдлыны сэтчӧс бур мусӧ – мича керӧсвыв му да Ливан”.

Нав Исус 11:17

Босьтӧм муяс нюжӧдчисны Сеир керӧсвыв му дорын сулалысь Халак керӧссянь Ваал-Гад карӧдз, мый сулалӧ Ермон керӧс бердын Ливан ковтысын. Став сэтчӧс ӧксысӧ Исус босьтіс пленӧ да виис.

Нав Исус 11:3

Явин ӧксы ыстіс ассьыс йӧзсӧ тшӧтш асыввылын да саридз бокын олысь ханаансаяс дінӧ, керӧсвыв муын олысь аморейяс, хеттейяс, перезейяс да евуссаяс дінӧ, тшӧтш хивейяс дінӧ, кодъяс олісны Ермон бокын Миспа муын.

Нав Исус 12:7

Исус да Израиль пиян пасьвартісны ӧксыясӧс Йӧрдан ю рытыввыв муысь [аморейяслӧн муысь]. Налӧн муясыс нюжӧдчисны Ливан ковтысын сулалысь Ваал-Гад карсянь Сеир керӧсвыв му дорын сулалысь Халак керӧсӧдз. Тайӧ муяссӧ Исус юкліс Израиль чужанкотыръяслы, сетіс быд чужанкотырлы индӧм му юкӧн.