Нав Исус 12:7 - Коми Библия 2023

⁷ Исус да Израиль пиян пасьвартісны ӧксыясӧс Йӧрдан ю рытыввыв муысь [аморейяслӧн муысь]. Налӧн муясыс нюжӧдчисны Ливан ковтысын сулалысь Ваал-Гад карсянь Сеир керӧсвыв му дорын сулалысь Халак керӧсӧдз. Тайӧ муяссӧ Исус юкліс Израиль чужанкотыръяслы, сетіс быд чужанкотырлы индӧм му юкӧн.

Нав Исус 12:7 Kruisverwysings

Олӧм 14:6

хориясӧс Сеир керӧсвыв муын Эл-Паранӧдз, овтӧмин дорӧдз.

Олӧм 32:3

Яковлӧн Исав вокыс оліс Эдомын, Сеир керӧсвыв муын. Яков ыстіс юӧртысьясӧс вокыс дінӧ,

Олӧм 36:20

Со, хори войтырысь Сеирлӧн пияныс, кодъяс олісны Эдом муын: Лотан, Шовал, Цивеон, Ан,

Олӧм 36:8

Исав, мӧд ногӧн кӧ, Эдом, овмӧдчис Сеир керӧсвыв муӧ.

Псалтыр 135:11

Сійӧ петкӧдіс Израиль войтырӧс Египетысь, Сылӧн буралӧмыс оз помасьлы.

Индӧд 2:1

«Ми бӧр бергӧдчим да мунім овтӧминӧд Гӧрд саридзлань, кыдзи меным тшӧктіс Господь. Ми дыр мунім Сеир керӧсвыв му дінті.

Индӧд 2:4

Войтырыдлы висьтав: ті кутанныд мунны Сеир керӧсвыв муӧд, кӧні олӧны Исав пиян, тіян вокъясныд. Найӧ повзясны тіянысь, но видзчысьӧй,

Нав Исус 11:17

Босьтӧм муяс нюжӧдчисны Сеир керӧсвыв му дорын сулалысь Халак керӧссянь Ваал-Гад карӧдз, мый сулалӧ Ермон керӧс бердын Ливан ковтысын. Став сэтчӧс ӧксысӧ Исус босьтіс пленӧ да виис.

Нав Исус 11:23

Тадзи Исус босьтіс ставнас мусӧ, кыдзи Господь висьталіс Мӧисейлы. Исус юкліс мусӧ Израильлӧн чужанкотыръяслы. Тышъяс бӧрын тайӧ муас пуксис лӧнь кад.

Нав Исус 3:17

Войтырыс вуджис Йӧрдан юсӧ Ерикон кар весьтӧд. Господьлысь Йитӧд куд нуысь попъяс сулалісны Йӧрдан ю шӧрын косінас, кытчӧдз Израиль пиян эз вуджны Йӧрдан юсӧ косінті.

Нав Исус 9:1

Тайӧ лоӧмторъяс йывсьыс тӧдмалісны [аморейяслӧн] став ӧксыыс, кодъяс олісны Йӧрдан ю рытыввыв муын: керӧсвыв муын, керӧсбердса муын, Ыджыд саридз пӧлӧн да Ливан дорын. Тайӧ вӧліны хеттейяс, аморейяс, [гергесейяс,] ханаансаяс, перезейяс, хивейяс да евуссаяс.