Нав Исус 11:6 - Коми Библия 2023

⁶ Господь шуис Исуслы: «Эн пов наысь. Аски тайӧ кадас Ме сета израильса тышкайӧзлы пасьвартны найӧс. Вӧвъясныслысь кок сӧнсӧ вундав, а тарантасъяссӧ сот».

Нав Исус 11:6 Kruisverwysings

Ӧксыяслӧн 2 небӧг 8:4

Давид босьтіс сылысь сюрс сизимсё верзьӧмаӧс да кызь сюрс подаӧс. Давид кольӧдіс аслыс тарантаса сё вӧлӧс, а мукӧд вӧлыслысь сӧнсӧ сійӧ вундаліс.

Ӧксыяслӧн 4 небӧг 6:16

«Эн пов, – вочавидзис Елисей. – Налӧн дорысь миян дор сувтысьыс унджык».

2 Каднебӧг 20:16

Аски петӧй налы паныд тышӧ. Найӧ каясны Циц керӧс вылӧ, и ті паныдаланныд найӧс ковтыс помас, Еруэл овтӧминсянь асыввылын.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Псалтыр 46:9

Енмыс ӧксыалӧ войтыръяс вылын, Сійӧ пукалӧ Аслас вежа пуклӧсын.

Шусьӧгъяс 20:7

Веськыд мортыд сӧстӧм оласнога, майбырӧсь сылӧн ныв-пиыс.

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Езекиль 39:9

Израильсаяс петасны каръяссьыныс, пестасны би да шыбитасны сэтчӧ вӧрӧглысь шыпуртъяссӧ, ичӧт да ыджыд сайӧдъяссӧ, ньӧввужъяссӧ да ньӧвъяссӧ, зоръяссӧ да шыяссӧ. Сизим во чӧж найӧ кутасны сотны вӧрӧглысь тышкасян кӧлуйсӧ.

Осий 14:3

Кевмысьӧмӧн бергӧдчӧй Господь дінӧ, шуӧй Сылы: прӧстит миянлысь мыжъяснымӧс да сибӧд миянлысь козиннымӧс, ӧш пыдди ми ваям Тэныд кевмысьӧмнымӧс.

Наум 2:13

– Ме сувта тэныд паныд, – висьталӧ Господь Саваоф. – Ме тшынйыв лэпта тэнсьыд тарантасъястӧ, шыпурт бырӧдас том левъястӧ. Ме бырӧда му вылысь ставсӧ, мый тэ мырддялін, дугдас кывны тэнад мӧдӧдӧмаяслӧн гӧлӧс шыныс.

Индӧд 7:16

Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Нав Исус 10:8

Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».

Нав Исус 11:5

Чукӧртчӧм бӧрын ӧксыяс сувтісны Мером ты дорӧ, медым уськӧдчыны Израиль вылӧ.

Нав Исус 11:7

Исус да сылӧн тышкайӧзыс локтісны Мером ты дорӧ да виччысьтӧг уськӧдчисны вӧрӧгныс вылӧ.

Нав Исус 11:9

Исус вӧчис Господьлӧн тшӧктӧм серти – вӧрӧглӧн вӧвъясыслысь кок сӧнсӧ вундаліс, а тарантасъяссӧ сотіс.

Нав Исус 3:5

Исус шуис войтырыслы: «Вежӧдӧй-сӧстӧммӧдӧй асьнытӧ [асывводз кежлас], ӧд аски Господь тіян пӧвстын вӧчас шензьӧданаторъяс».

Ёрдысьяс 7:9

Сійӧ войнас Господь шуис Гедеонлы: «Лэччы да уськӧдчы мадиансаяс вылӧ, ӧд Ме сета найӧс тэнад киӧ.

Ӧксыяслӧн 1 небӧг 11:9

Юӧр вайысьяслы шуисны: «Висьталӧй Галаад муын Явис карын олысьяслы, аски пӧ луншӧр кадӧ воас тіянлы отсӧг». Юӧртысьяс бӧр локтісны Явис карӧ да ставсӧ висьталісны сэтчӧс олысьяслы. Йӧзыс пондісны нимкодясьны.