Нав Исус 11:4 - Коми Библия 2023

⁴ Став тайӧ ӧксыыс асланыс тышкайӧзкӧд петісны тышӧ. Найӧ вӧліны саридздор лыа мында, и налӧн вӧлі унасьыс-уна вӧв да тарантас.

Нав Исус 11:4 Kruisverwysings

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Олӧм 32:12

Тэ шуин, мый Тэ бур вӧчан меным, и кӧсйысин, мый месянь чужысьыс лоас саридздор лыа мында – сы мында, мый некод оз вермы найӧс лыддьынысӧ».

Ӧксыяслӧн 2 небӧг 17:11

Та вӧсна ме вӧзъя тэныд: войвыв Дансянь лунвыв Бер-Шеваӧдз став Израиль войтырсӧ чукӧрт ас дінад. Налӧн лыдыс мед лоӧ саридздор лыа мында. Ачыд накӧд тшӧтш мун.

Ӧксыяслӧн 3 небӧг 4:20

Иуда да Израиль войтырлӧн лыдыс вӧлі саридздор лыа мында. Найӧ сёйисны-юисны да олісны нимкодясьӧмӧн.

Псалтыр 20:8

Ӧксы кӧ лача кутӧ Господь вылӧ, сійӧ оз вӧрзьыв, ӧд Медвылыссаыс бур сьӧлӧма сы дінӧ.

Нав Исус 11:5

Чукӧртчӧм бӧрын ӧксыяс сувтісны Мером ты дорӧ, медым уськӧдчыны Израиль вылӧ.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ӧксыяслӧн 1 небӧг 13:5

Филистимсаяс лӧсьӧдчисны петны тышӧ Израильлы паныд. Налӧн вӧлі комын сюрс тарантас да квайт сюрс верзьӧма, а пода йӧзыс – саридздор лыа мында. Филистимса тышкайӧз локтісны да сувтісны Микмасӧ, Бет-Авенсянь асыввывладорӧ.