Нав Исус 11:3 - Коми Библия 2023

³ Явин ӧксы ыстіс ассьыс йӧзсӧ тшӧтш асыввылын да саридз бокын олысь ханаансаяс дінӧ, керӧсвыв муын олысь аморейяс, хеттейяс, перезейяс да евуссаяс дінӧ, тшӧтш хивейяс дінӧ, кодъяс олісны Ермон бокын Миспа муын.

Нав Исус 11:3 Kruisverwysings

Олӧм 31:49

и тшӧтш Миспа, ӧд Лаван шуис: «Мед видзӧдас Господь кыкнанным бӧрся, кор ми ылыстчам ӧта-мӧднымысь.

Ӧксыяслӧн 2 небӧг 24:16

Кор [Енлӧн] андел нюжӧдіс кисӧ Ерусалим вылӧ, медым бырӧдны сійӧс, Господь вежис кывсӧ. Сійӧ шуис войтырӧс бырӧдысь анделлы: «Тырмас. Вешты китӧ». Господьлӧн анделыс сэки сулаліс евусса Орнанлӧн гумла дорын.

Ӧксыяслӧн 2 небӧг 24:7

Сэсся мунісны Тир изкарӧ. Кытшовтісны хивейяслысь да ханаансаяслысь став карсӧ да локтісны Бер-Шеваӧ, Иуда мулӧн лунвыв карӧ.

Ӧксыяслӧн 3 небӧг 15:22

Аса ӧксы чукӧртіс став Иуда войтырсӧ. Найӧ петкӧдісны Рама карысь став изсӧ да керсӧ, мыйысь Ваас вӧлі лэптӧма изкар. Тайӧ изсьыс да керсьыс Аса ӧксы лэптіс Венямин муын Гева да Миспа изкаръяс.

Ӧксыяслӧн 3 небӧг 9:20

Аморейясысь, хеттейясысь, перезейясысь, [ханаансаясысь,] хивейясысь, евуссаясысь [да гергесейясысь] ловйӧн кольӧмаясӧс Соломон уджӧдіс. Тадзи найӧ талунӧдз мынтӧны сылы вот. Тайӧ йӧзыс эз вӧвны Израиль войтырысь, а чужисны Израиль муын мукӧд войтыръяссянь, кодъясӧс израильсаяс эз вермыны дзикӧдз бырӧдны.

Псалтыр 133:3

Сионсянь мед бурсиас тэнӧ Господь, енэжсӧ да мусӧ Вӧчысьыс. Ошкӧм.

Псалтыр 89:12

Велӧд миянӧс артавны ассьыным олан лунъяснымӧс, медым миян вӧлі мывкыд сьӧлӧм.

Сьылан 4:8

– Лок, гӧтырпуӧй, ливанса керӧссянь, лок ме дінӧ Ливансянь! Лэччы Амана керӧс йывсянь, коль Сенир да Ермон керӧсъяс, левлысь сайӧдчанінсӧ, леопардлысь оланінсӧ.

Еремей 40:10

Ачым ме кольчча Миспаӧ да кута висьтавлыны тіян йылысь бурсӧ Калдея муысь миян дінӧ волысьяслы. А ті чукӧртӧй виноград, яблӧг-груша да олив, заптӧй найӧс асланыд дозъясӧ. Олӧй сійӧ каръясас, кодъясӧс ті босьтінныд аслыныд».

Еремей 40:6

Еремей локтіс Ахикамлӧн Гедалий пи дінӧ Миспаӧ да овмӧдчис Иуда муын кольӧм войтыр пӧвстӧ.

Еремей 41:14

Миспаысь пленӧ босьтӧмаяс бӧр бергӧдчисны да котӧртісны Карейлӧн Иоханан пи дінӧ,

Еремей 41:3

Сэсся Измаил виис иудаса йӧзӧс, кодъяс вӧліны Гедалийкӧд Миспаын, виис тшӧтш калдеяса тышкайӧзӧс, кодъяс вӧліны сэні.

Лыд 13:29

Но сэтчӧс войтырыс ён, и найӧ олӧны зэв ыджыд изкаръясын. Ми аддзылім весиг Енаксянь чужысьясӧс.

Индӧд 4:48

Тайӧ муыс заводитчис Арнон ю бокын сулалысь Ароэр карсянь да нюжӧдчис Сирион керӧсӧдз, мӧд ногӧн кӧ, Ермон керӧсӧдз.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Нав Исус 11:17

Босьтӧм муяс нюжӧдчисны Сеир керӧсвыв му дорын сулалысь Халак керӧссянь Ваал-Гад карӧдз, мый сулалӧ Ермон керӧс бердын Ливан ковтысын. Став сэтчӧс ӧксысӧ Исус босьтіс пленӧ да виис.

Нав Исус 11:8

Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].

Нав Исус 13:11

нӧшта Галаад, Гешур да Маака муяс, Ермон керӧс да став Васан му Салка карӧдз.

Нав Исус 13:5

тшӧтш [филистимсаяслӧн] Гевал му да асыввыв Ливан му Ермон керӧс бокын сулалысь Ваал-Гад карсянь Лево-Хаматӧдз.

Нав Исус 15:38

Дилеан, Мицфе, Иоктеэл,

Нав Исус 15:63

Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.

Нав Исус 18:26

Мицфе, Кефира, Моца,

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.

Ёрдысьяс 21:5

Найӧ юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны, кор ми чукӧртчылім Господь водзӧ?» Ӧд вӧлі кыв сетӧма, мый лоӧ виӧма быдӧнӧс, коді оз лок Господь водзӧ Миспаӧ.

Ёрдысьяс 21:8

Нӧшта юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны Миспаӧ Господь водзӧ?» Вӧлӧмкӧ, Галаад муысь Явис карысь некод абу вӧлӧма чукӧртчанінын.

Ёрдысьяс 3:3

Ханаан муӧ вӧлі кольӧма филистимса вит юралысьӧс да ливанса керӧсъяс вылын Ваал-Ермон керӧссянь Лево-Хаматӧдз олысь ханаансаясӧс, сидонсаясӧс да хивейясӧс.

Ёрдысьяс 3:5

Израиль пиян олісны ханаансаяс, хеттейяс, аморейяс, перезейяс, [гергесейяс,] хивейяс да евуссаяс пӧвстын.

Ӧксыяслӧн 1 небӧг 10:17

Самуил чукӧртіс Израиль войтырӧс Миспаӧ Господь водзӧ.