Нав Исус 11:14 - Коми Библия 2023

¹⁴ Тайӧ каръясысь шедӧдӧмторсӧ да ыж-мӧссӧ Израиль пиян босьтісны аслыныс. А став йӧзсӧ виалісны шыпуртӧн, ловъя морт эз коль.

Нав Исус 11:14 Kruisverwysings

2 Каднебӧг 20:25

Кор Иосафат аслас тышкайӧзкӧд пондісны чукӧртны вӧрӧглысь эмбурсӧ, найӧ аддзисны уна кӧлуй, паськӧм да озырлун. Найӧ чукӧртісны аслыныс сы мында, мый эз вермыны весиг нунысӧ. Эмбурыс вӧлі зэв уна, сійӧс ковмис чукӧртны куим лун чӧж.

Лыд 31:9

Мадиансаяслысь гӧтыръяссӧ да челядьсӧ израильсаяс босьтісны пленӧ, босьтісны тшӧтш налысь ыж-мӧссӧ да эмбур-кӧлуйсӧ,

Индӧд 20:14

Но аньясӧс, челядьӧс, пемӧсъясӧс да карсьыс ставсӧ босьтӧй аслыныд. Вӧдитчӧй вӧрӧгныдлысь босьтӧмторнас, мый Господь, тіян Енныд, сетіс тіянлы.

Индӧд 20:16

А татчӧс войтыръяслӧн каръясысь, мый Господь, тіян Енныд, сетас тіянлы, некодӧс ловйӧн энӧ кольӧй.

Нав Исус 10:40

Исус босьтіс керӧсвыв му, Негев му, нӧшта рытыввыв да асыввыв керӧсбердса муяс, виис сэтчӧс ӧксыясӧс да олысьясӧс. Исус дзикӧдз бырӧдіс став ловъя олысьсӧ, кыдзи тшӧктіс Господь, Израильлӧн Ен.

Нав Исус 11:11

Виисны шыпуртӧн тшӧтш сэтчӧс олысьясӧс, дзикӧдз бырӧдісны став ловъя олысьсӧ. Хацор карсӧ Исус сотіс.

Нав Исус 11:13

Но налысь керӧсвывса каръяссӧ израильсаяс эз сотны. Исус сотіс сӧмын Хацор кар.

Нав Исус 11:15

Кыдзи Господь тшӧктіс Аслас Мӧисей кесйӧглы, сідзи Мӧисей тшӧктіс Исуслы. Исус нинӧм эз торк сыысь, мый Господь тшӧктіс Мӧисейлы.

Нав Исус 8:2

Вӧч Гай карыскӧд да сэтчӧс ӧксыкӧд сійӧ, мый вӧчин Ерикон каркӧд да сэтчӧс ӧксыкӧд. Но сэтысь ті верманныд босьтны аслыныд тышын шедӧдӧм эмбур да ыж-мӧскӧс. Кар саяс сувтӧд кыйӧдчысьясӧс».

Нав Исус 8:27

Ыж-мӧссӧ да шедӧдӧм эмбурсӧ израильсаяс босьтісны аслыныс, кыдзи Господь тшӧктіс Исуслы.