Нав Исус 11:12 - Коми Библия 2023

¹² Исус босьтіс тшӧтш мукӧд ӧксыяслысь каръяссӧ, виис шыпуртӧн став ӧксысӧ да сэтчӧс олысьясӧс. Сійӧ дзикӧдз бырӧдіс ставнысӧ, кыдзи тшӧктіс Мӧисей, Господьлӧн кесйӧг.

Нав Исус 11:12 Kruisverwysings

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Индӧд 9:3

Талун ті тӧдмаланныд, мый Господь, тіян Енныд, мунӧ тіян водзвылын, кыдзи ставсӧ сотысь би. Сійӧ пасьвартас енак войтырӧс да сетас тіян киӧ. Ті босьтанныд налысь мусӧ да регыдъя кадӧн бырӧданныд найӧс. Тадзи висьталіс тіянлы Господь.

Нав Исус 10:20

Исус да Израиль пиян дзикӧдз пасьвартісны вӧрӧгӧс. Коли сӧмын лыда морт, кодъяс вермисны пышйыны асланыс изкаръясӧ.

Нав Исус 10:28

Тайӧ лунӧ Исус босьтіс Македа кар, шыпуртӧн виис сэтчӧс олысьясӧс да налысь ӧксысӧ. Дзикӧдз бырӧдіс став ловъя олысьсӧ. Некод ловйӧн эз коль [и эз пышйы]. Македаса ӧксылы Исус вӧчис ериконса ӧксылы моз.

Нав Исус 10:30

Господь сетіс Ливна кар да сэтчӧс ӧксыӧс израильсаяслӧн киӧ [и найӧ босьтісны сійӧс аслыныс]. Исус бырӧдіс карсӧ да виис шыпуртӧн сэтчӧс став ловъя олысьсӧ. Некод ловйӧн эз коль [и эз пышйы]. Ливнаса ӧксылы Исус вӧчис ериконса ӧксылы моз.

Нав Исус 10:32

Мӧд луннас Господь сетіс Лакиш кар израильсаяслӧн киӧ. Ливна карӧс моз найӧ босьтісны Лакиш кар, бырӧдісны сійӧс да виисны шыпуртӧн сэтчӧс став ловъя олысьсӧ.

Нав Исус 10:35

[Господь сетіс Эглон карӧс израильсаяслӧн киӧ.] Сійӧ жӧ лунӧ найӧ босьтісны карсӧ да виисны шыпуртӧн сэтчӧс став ловъя олысьсӧ. Лакиш карӧс моз найӧ дзикӧдз бырӧдісны Эглон кар.

Нав Исус 10:37

Найӧ босьтісны Хеврон кар да бырӧдісны сійӧс, виисны шыпуртӧн сэтчӧс олысьясӧс да налысь ӧксысӧ, бырӧдісны сэтчӧс став кар-сиктсӧ да став ловъя олысьсӧ. Эглон карӧс моз Исус дзикӧдз бырӧдіс Хеврон кар да сэтчӧс став ловъя олысьсӧ.

Нав Исус 11:13

Но налысь керӧсвывса каръяссӧ израильсаяс эз сотны. Исус сотіс сӧмын Хацор кар.

Нав Исус 11:15

Кыдзи Господь тшӧктіс Аслас Мӧисей кесйӧглы, сідзи Мӧисей тшӧктіс Исуслы. Исус нинӧм эз торк сыысь, мый Господь тшӧктіс Мӧисейлы.

Нав Исус 13:6

Ме вӧтла Израиль пиян водзысь керӧсвыв муын олысь сидонсаясӧс Ливансянь Мисрефот-Маимӧдз. Юк тайӧ муяссӧ Израиль войтырлы, кыдзи Ме тшӧкті тэныд.

Нав Исус 21:44

Господь быд боксянь видзис найӧс да сетіс лӧнь олӧм, кыдзи кыв сетӧмӧн кӧсйысис налӧн батьяслы. Вӧрӧгъяс эз вермыны найӧс, ӧд став вӧрӧгсӧ Господь сетіс налӧн киӧ.

Нав Исус 8:31

Висьпуктанінсӧ вӧчис керавтӧм-шыльӧдтӧм изъясысь, кыдзи Мӧисей, Господьлӧн кесйӧг, тшӧктіс Израиль пиянлы. Та йылысь гижӧма Мӧисейлӧн Индӧд небӧгӧ. Тайӧ висьпуктанін вылас Израиль войтыр вайисны Господьлы сотан да бурасян висьяс.

Нав Исус 8:8

Карсӧ босьтӧм бӧрын сотӧй сійӧс Господьлӧн шуӧм серти. Тайӧ менам тшӧктӧм тіянлы».

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.