Нав Исус 10:40 - Коми Библия 2023

⁴⁰ Исус босьтіс керӧсвыв му, Негев му, нӧшта рытыввыв да асыввыв керӧсбердса муяс, виис сэтчӧс ӧксыясӧс да олысьясӧс. Исус дзикӧдз бырӧдіс став ловъя олысьсӧ, кыдзи тшӧктіс Господь, Израильлӧн Ен.

Нав Исус 10:40 Kruisverwysings

Ӧксыяслӧн 3 небӧг 15:29

Ӧксыӧ пуксьӧм бӧрын Ваас бырӧдіс Еровамлысь став рӧдсӧ, некодӧс ловйӧн эз коль. Тадзи иніс Господьлӧн шуӧмыс, мый Сійӧ висьталіс Аслас силомса Ахий кесйӧг пыр.

Неемий 9:24

Пияныс локтісны да босьтісны тайӧ мусӧ. Тэ сетін налӧн кипод улӧ сэтчӧс ханаан войтырӧс, сетін налӧн киӧ ӧксыясӧс да сэні олысь войтыръясӧс, медым вӧчисны тайӧ йӧзыскӧд асланыс кӧсйӧм серти.

Псалтыр 9:17

Господьӧс тӧдмалӧны Сылӧн веськыда мыждӧмыс серти – лёк вӧчысь шедӧ аслас киӧн вӧчӧм налькйӧ.

Петӧм 34:12

Видзӧдӧй, медым сійӧ муын, кытчӧ ті овмӧдчанныд, энӧ кӧрталӧй йитӧд сэні олысьяскӧд. Кӧрталанныд кӧ, налькйӧ шеданныд.

Лыд 13:17

Тайӧ айуловсӧ Мӧисей мӧдӧдіс видзӧдавны Ханаан му. Навлысь Осий писӧ Мӧисей нимтіс Исусӧн.

Индӧд 1:7

Мунӧй Ханаан муӧ – аморейяслӧн керӧсвыв муӧ да накӧд орччӧн олысь войтыръяс дінӧ, кодъяс олӧны Йӧрдан ковтысын, керӧсвыв муын, рытыввылын керӧсбердса муын, Негев муын да саридздор муын. Овмӧдчӧй налӧн муӧ да Ливанӧ, паськӧдчӧй весиг ыджыд Ефрат ю дорӧдз.

Индӧд 2:34

Ми босьтім сылысь став карсӧ. Ми дзикӧдз бырӧдім налысь каръяссӧ, айуловӧс, аньясӧс да челядьӧс. Некодӧс ловйӧн эгӧ кольӧй.

Индӧд 7:24

Налысь ӧксыяссӧ Господь сетас тіян киӧ, и ті вуштыштанныд налысь нимъяссӧ енэж улысь. Некод оз вермы паныд сувтны, ті ставнысӧ бырӧданныд.

Нав Исус 10:35

[Господь сетіс Эглон карӧс израильсаяслӧн киӧ.] Сійӧ жӧ лунӧ найӧ босьтісны карсӧ да виисны шыпуртӧн сэтчӧс став ловъя олысьсӧ. Лакиш карӧс моз найӧ дзикӧдз бырӧдісны Эглон кар.

Нав Исус 10:37

Найӧ босьтісны Хеврон кар да бырӧдісны сійӧс, виисны шыпуртӧн сэтчӧс олысьясӧс да налысь ӧксысӧ, бырӧдісны сэтчӧс став кар-сиктсӧ да став ловъя олысьсӧ. Эглон карӧс моз Исус дзикӧдз бырӧдіс Хеврон кар да сэтчӧс став ловъя олысьсӧ.

Нав Исус 10:39

Найӧ босьтісны Девир кар да сэтчӧс став кар-сиктсӧ. Виалісны шыпуртӧн ӧксыӧс да сэтчӧс став ловъя олысьсӧ. Хеврон да Ливна каръясӧс да сэтчӧс ӧксыясӧс моз Исус дзикӧдз бырӧдіс Девир кар да сэтчӧс ӧксыӧс.

Нав Исус 11:16

Исус босьтіс тайӧ муяссӧ: керӧсвыв му, Негев да Гошен муяс, керӧсбердса му, Йӧрдан ковтыс, Израиль керӧсъяс да на бердысь му.

Нав Исус 12:8

Юклӧм муас пырисны керӧсвыв му, рытыввыв да асыввыв керӧсбердса муяс, Йӧрдан ковтыс, овтӧмин да Негев му. Тайӧ муясын олісны хеттейяс, аморейяс, ханаансаяс, перезейяс, хивейяс да евуссаяс.

Нав Исус 18:21

Венямин чужанкотырлӧн рӧдъяслы вичмисны Ерикон, Бет-Хогла, Эмек-Кециц,

Нав Исус 6:17

Видзчысьӧй, Господьлы сиӧмаысь нинӧм энӧ босьтӧй аслыныд. Босьтанныд кӧ, веськаланныд бырӧдӧм улӧ, и шогыс да бырӧдӧмыс суас став Израиль войтырӧс.

Нав Исус 8:2

Вӧч Гай карыскӧд да сэтчӧс ӧксыкӧд сійӧ, мый вӧчин Ерикон каркӧд да сэтчӧс ӧксыкӧд. Но сэтысь ті верманныд босьтны аслыныд тышын шедӧдӧм эмбур да ыж-мӧскӧс. Кар саяс сувтӧд кыйӧдчысьясӧс».

Нав Исус 8:27

Ыж-мӧссӧ да шедӧдӧм эмбурсӧ израильсаяс босьтісны аслыныс, кыдзи Господь тшӧктіс Исуслы.

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.