Нав Исус 10:3 - Коми Библия 2023

³ Та вӧсна ерусалимса Адони-Седек ӧксы мӧдӧдаліс ассьыс йӧзсӧ хевронса Гогам ӧксы дінӧ, ярмутса Фирам ӧксы дінӧ, лакишса Яфий ӧксы дінӧ да эглонса Девир ӧксы дінӧ висьтавны:

Нав Исус 10:3 Kruisverwysings

Олӧм 23:2

Сійӧ куліс Ханаан муын, [ковтысса] Киръят-Арбаын, тайӧ ӧнія Хеврон кар. Ӧвраам бӧрдіс-шогсис Сарра вӧсна.

Олӧм 37:14

Израиль шуис сылы: «Мун да видзӧдлы, дзоньвидзаӧсь-ӧ тэнад вокъясыд да ставыс-ӧ бур ыжъяскӧд. Сэсся лок да висьтав меным». Ӧсип мӧдӧдчис Хеврон ковтыссянь да воис Сикемӧ.

Ӧксыяслӧн 2 небӧг 2:11

Сизим во да джын Давид юраліс Хевронын, вӧлі Иуда войтырлы ӧксыӧн.

Ӧксыяслӧн 4 небӧг 18:14

Иудаса Езекей ӧксы ыстіс Лакишӧ ассурса ӧксылы юӧр: «Ме мыжа тэ водзын. Кута мынтыны тэныд вот, мыйта шуан, сӧмын дугды дзескӧдны менӧ». Ассурса ӧксы тшӧктіс иудаса Езекей ӧксылы мынтыны куимсё талант эзысь да комын талант зарни.

Ӧксыяслӧн 4 небӧг 18:17

Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс, тышкайӧзӧн веськӧдлысьӧс, ыджыд чинаясӧн веськӧдлысьӧс да ассьыс эскана мортӧс. Кор найӧ воисны Ерусалимӧ, сувтісны вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

2 Каднебӧг 11:9

Адораим, Лакиш, Азека,

Еремей 34:7

Буретш тайӧ кадас вавилонса ӧксылӧн тышкайӧзыс кытшалісны Ерусалим, Лакиш да Азека каръяс. Иудаса став каръяс пӧвстысь сӧмын тайӧ изкаръяссӧ абу вӧлі пасьвартӧма.

Микей 1:13

Лакишын олысьяс, доддялӧй вӧвъяснытӧ тарантасӧ! Тіянсянь Сион нывлӧн мыжыс, тіянсянь Израиль войтырлӧн лёк вӧчӧмыс.

Лыд 13:22

Найӧ мунісны да видзӧдалісны Ханаан му Цин овтӧминсянь Реховӧдз, Лево-Хаматсянь матын.

Нав Исус 10:1

Ерусалимса Адони-Седек ӧксылы кывсис, мый Исус босьтӧма да дзикӧдз бырӧдӧма Гай карсӧ да сэтчӧс ӧксыӧс, кыдзи бырӧдӧма Ерикон карсӧ да сэтчӧс ӧксыӧс. Нӧшта кывсис, мый гаваонса олысьяс кӧрталӧмаӧсь йитӧд [Исускӧд да] израильсаяскӧд да кольччӧмаӧсь овны на пӧвстӧ.

Нав Исус 10:23

Вӧчисны Исуслӧн тшӧктӧм серти, петкӧдісны кырта горсйысь ерусалимса, хевронса, ярмутса, лакишса да эглонса ӧксыясӧс.

Нав Исус 10:34

Лакиш карысь Исус мӧдӧдчис израильса тышкайӧзкӧд Эглон карӧ. Найӧ сувтісны карыслы воча да уськӧдчисны сы вылӧ.

Нав Исус 10:5

Аморейяслӧн витнан ӧксыыс – ерусалимса, хевронса, ярмутса, лакишса да эглонса ӧксыяс – асланыс тышкайӧзкӧд чукӧртчисны Гаваон кар дорӧ, медым уськӧдчыны сы вылӧ.

Нав Исус 14:15

Водзынджыксӧ Хевронлӧн нимыс вӧлі Киръят-Арба, ӧд Арба нима морт вӧлі енак войтыр пӧвстын ыджыд морт. Тышъяс бӧрын тайӧ муас пуксис лӧнь кад.

Нав Исус 15:54

Хумта, Киръят-Арба, мӧд ногӧн кӧ, Хеврон, да Циор каръяс – ӧкмыс кар да нагӧгӧрса сиктъяс.

Нав Исус 15:63

Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.

Нав Исус 18:28

Цела, Элеф да Евус, мӧд ногӧн кӧ, Ерусалим, Гива да Киръят каръяс – дас нёль кар да нагӧгӧрса сиктъяс. Татшӧм му вичмӧдӧма Венямин чужанкотырлӧн рӧдъяслы.