Нав Исус 10:10 - Коми Библия 2023

¹⁰ Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Нав Исус 10:10 Kruisverwysings

Ӧксыяслӧн 2 небӧг 22:15

Лэдзис Ассьыс гымньӧвъяссӧ да чардбиӧн сявкйис найӧс енэж пасьталаыс.

Ӧксыяслӧн 3 небӧг 9:17

Соломон лэптіс Гезер кар да Улыс Бет-Хорон.

2 Каднебӧг 14:12

Аса да иудаса тышкайӧз водзын Господь пасьвартіс эфиопияса тышкайӧзӧс, и найӧ пышйисны.

2 Каднебӧг 25:13

А медалӧм тышкайӧзыс, кодъясӧс Амасей эз босьт аскӧдыс тышӧ, но бӧр ыстіс гортаныс, уськӧдчисны Самария да Бет-Хорон костын сулалысь иудаса каръяс вылӧ. Сэні найӧ виисны куим сюрс мортӧс да мырддисны уна эмбур.

Псалтыр 18:14

видз Ассьыд кесйӧгтӧ тӧдӧмӧн мыж вӧчӧмысь, медым найӧ эз ыджыдавны ме вылын. Сэки ме ог сетчы лёкас, лоа сӧстӧм да мыжтӧм.

Псалтыр 44:3

Ӧксыӧй, став йӧзыс пӧвстысь тэ медся мичаыс, тэнад вомысь петӧны мелі кывъяс, та вӧсна Енмыс бурсиис тэнӧ нэмъяс кежлӧ.

Псалтыр 68:14

Господьӧй, ме кевмыся Тэныд ӧні, кор Тэ бур сьӧлӧма ме дінӧ. Енмӧй, эскана Мездысьӧй, Аслад ыджыд буралӧмыд кузя вочавидз меным!

Исай 28:21

Господь чеччас Перацим керӧс вылын моз, Сійӧ петкӧдлас Ассьыс скӧрлунсӧ Гаваон ковтысын моз, медым вӧчны Ассьыс уджсӧ, аддзывлытӧмторсӧ, да помӧдз вайӧдны Ассьыс вӧчӧмсӧ, вӧвлытӧмторсӧ.

Исай 30:30

Господьлӧн вына шыыс грымӧбтас, Сійӧ петкӧдлас Ассьыс вына кисӧ, Сылӧн скӧрлуныс лоӧ вывті яр, ставсӧ сотысь би кодь, бушков да сувтса зэр кодь, гырысь шер кодь.

Еремей 34:7

Буретш тайӧ кадас вавилонса ӧксылӧн тышкайӧзыс кытшалісны Ерусалим, Лакиш да Азека каръяс. Иудаса став каръяс пӧвстысь сӧмын тайӧ изкаръяссӧ абу вӧлі пасьвартӧма.

Закар 14:3

Сэки Господь кутас тышкасьны тайӧ войтыръясыскӧд, кыдзи Сійӧ водзын тышкасьліс.

Индӧд 7:23

Господь, тіян Енныд, сетас войтыръясӧс тіян киӧ, вайӧдас найӧс ыджыд шызьӧмӧдз, мый вӧсна найӧ бырасны.

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.

Нав Исус 10:28

Тайӧ лунӧ Исус босьтіс Македа кар, шыпуртӧн виис сэтчӧс олысьясӧс да налысь ӧксысӧ. Дзикӧдз бырӧдіс став ловъя олысьсӧ. Некод ловйӧн эз коль [и эз пышйы]. Македаса ӧксылы Исус вӧчис ериконса ӧксылы моз.

Нав Исус 10:9

Галгалысь петӧм бӧрын Исус муніс войбыд. Сійӧ уськӧдчис аморейяс вылӧ буретш сэки, кор найӧ эз виччысьны тайӧс.

Нав Исус 11:8

Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].

Нав Исус 12:16

Македа, Вефиль,

Нав Исус 15:35

Ярмут, Адуллам, [Немра,] Соко, Азека,

Нав Исус 15:41

Гедерот, Бет-Дагон, Наама да Македа каръяс – дас квайт кар да нагӧгӧрса сиктъяс.

Нав Исус 16:3

Сэсянь мудорыс лэччӧ рытыввылӧ яфлетъяслӧн оланін дорті Улыс Бет-Хоронӧдз да Гезерӧдз и помасьӧ Ыджыд саридз дорын.

Нав Исус 16:5

Ефрем чужанкотырлӧн рӧдъяслы вичмӧдӧма татшӧм му. Налӧн лунвыв мудорыс заводитчӧ асыввылын Атарот-Аддар карсянь, сэсянь мунӧ Вылыс Бет-Хоронӧдз [да Газараӧдз],

Нав Исус 21:22

Кивцаим да Бет-Хорон каръяс да нагӧгӧрса видзьяс – ставнас нёль кар.

Ёрдысьяс 4:15

Господь вӧчис сідзи, мый Вараклӧн шыпуртысь Сисар да сылӧн став тышкайӧзыс шӧйӧвошисны. Сисар лэччис тарантассьыс да котӧрӧн кутіс пышйыны.

Ёрдысьяс 4:16

Варак вӧтӧдіс сылысь тарантасъяссӧ да тышкайӧзсӧ Харошет-Гоим карӧдз. Сисарлӧн став тышкайӧзыс кулісны шыпурт помысь, некод ловйӧн эз коль.

Ёрдысьяс 5:20

Енэжсянь кодзувъяс петісны вермасьны, вылісянь найӧ уськӧдчисны Сисар вылӧ.

Ӧксыяслӧн 1 небӧг 13:18

мӧд тышкакотырыс веськӧдчис Бет-Хоронлань, а коймӧд тышкакотырыс муніс Цевоим ковтысӧ нуӧдан туйӧд овтӧминлань.

Ӧксыяслӧн 1 небӧг 17:1

Филистимсаяс чукӧртісны тышкайӧзнысӧ Иуда муӧ Соко карӧ. Сэсся найӧ сувтісны Соко да Азека каръяс костӧ Эфес-Даммимӧ.