Нав Исус 1:8 - Коми Библия 2023

⁸ Тайӧ Индӧд небӧгысь кывъясыс мед пыр лоӧны тэнад вомын. Лун и вой велӧдчы, медым ставсӧ вӧчны стӧча, мый сэні гижӧма. Сэки тэнад ставыс артмас.

Нав Исус 1:8 Kruisverwysings

Олӧм 24:63

Рытнас Исаак петіс видз-му вылӧ мӧвпалыштны. Кор видзӧдліс гӧгӧр, аддзис локтысь верблюдъясӧс.

2 Каднебӧг 26:5

Озей юрбитіс Енлы, кытчӧдз ловъя вӧлі Закар, коді велӧдіс войтырсӧ Енмысь вежавидзны. Кор Озей корсис Господьӧс, Ен отсӧгӧн сылӧн ставыс артмис.

Псалтыр 40:10

Весиг матысса ёртӧй, кодлы ме эски, кодкӧд ӧтвыв сёйлім, сувтіс меным паныд.

Шусьӧгъяс 3:1

Пиӧй, эн вунӧд менсьым туйдӧдӧмӧс, сьӧлӧмад видз менсьым тшӧктӧмъясӧс,

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Матвей 12:35

Бур морт аслас бур видзанінысь бурсӧ петкӧдӧ, лёк морт аслас лёк видзанінысь лёксӧ петкӧдӧ.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Матвей 7:21

Оз быдӧн, коді шуӧ Меным: ”Господьӧй, Господьӧй”, пыр Енэжвыв Юраланінӧ. Пырас сӧмын Менам енэжвыв Батьлӧн кӧсйӧм серти олысь.

Матвей 7:24

«Коді кылӧ Менсьым кывъясӧс да олӧ на серти, сійӧ из вылӧ керкасӧ лэптысь сюсь вежӧра морт кодь.

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Иоан 13:17

Тайӧс кӧ тӧданныд да та серти оланныд, ті шудаӧсь.

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

Ефесӧ 4:29

Некутшӧм пеж кыв мед оз пет тіян вомысь, а сӧмын бурыс, ӧд тайӧ ёнмӧдӧ йӧзыслысь эскӧмсӧ да вайӧ налы нимкодьлун.

Индӧд 29:8

Босьтім налысь мусӧ да сетім сійӧс Рувим да Гад чужанкотыръяслы да Манассейлӧн джын чужанкотырлы.

Индӧд 29:9

Олӧй тайӧ йитӧдлӧн кывъясыс серти, сэки тіян ставыс артмас.

Индӧд 30:14

Ӧд матын тэ дінӧ тайӧ кывйыс, тэнад вомын да тэнад сьӧлӧмын, медым овны сы серти.

Индӧд 31:11

кор став Израиль войтырыс локтас Господь Енныд водзӧ сійӧ местаас, мый бӧръяс Господь, сэки гораа лыддьӧй тайӧ Индӧдсӧ налы.

Индӧд 31:24

Мӧисей гижис тайӧ Индӧдсӧ ставнас небӧгӧ,

Индӧд 5:1

Мӧисей чукӧртіс став Израиль войтырсӧ да шуис: «Кывзы, Израиль! Талун ме висьтала тіянлы индӧд-тшӧктӧмъяс. Велӧдӧй найӧс да олӧй на серти.

Индӧд 5:29

Найӧ кӧ став олан лунъяс чӧжыс сьӧлӧмсяньныс кывзысисны Менсьым да олісны став Менам тшӧктӧм серти, сэки эськӧ налы да насянь чужысьяслы нэмъяс чӧж вӧлі бур.

Индӧд 5:32

Видзчысьӧй, ставсӧ вӧчӧй сідзи, кыдзи тшӧктӧ Господь, тіян Енныд. Энӧ кежӧй веськыдвылӧ ни шуйгавылӧ.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Нав Исус 8:34

Та бӧрын Исус лыддис Индӧдысь бурсиӧмсӧ да ёрӧмсӧ – ставсӧ, мый вӧлі гижӧма Индӧд небӧгас.

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.