Нав Исус 1:5 - Коми Библия 2023

⁵ Тэныд паныд сувтны некод оз вермы став тэнад олан лунъяс чӧжыд. Ме лоа тэкӧд, кыдзи вӧлі Мӧисейкӧд. Ог эновт да ог коль тэнӧ.

Нав Исус 1:5 Kruisverwysings

Олӧм 39:2

Господь вӧлі Ӧсипкӧд, та вӧсна сылӧн ставыс артмис. Ӧсип оліс аслас ыджыдыслӧн керкаын,

Ӧксыяслӧн 3 небӧг 1:37

Кыдзи Господь Ен вӧлі менам ӧксы-ыджыдкӧд, тадзи Сійӧ мед тшӧтш лоӧ Соломонкӧд! Господь мед зумыдмӧдас сылысь юралӧмсӧ Давид ӧксылӧн, менам ыджыдӧйлӧн, юралӧм дорысь ёнджыка на!»

Ӧксыяслӧн 3 небӧг 11:38

Тэ кӧ пондан кывзысьны Менсьым, ветлыны Менам туйясӧд, вӧчны Ме водзын шогманасӧ да овны Менам индӧд-тшӧктӧмъяс серти, кыдзи оліс Менам Давид кесйӧгӧй, Ме лоа тэкӧд. Давидлысь рӧдсӧ моз Ме вӧча зумыдӧн тэнсьыд рӧдтӧ. Ме сета тэныд Израильӧс.

Ӧксыяслӧн 3 небӧг 6:13

Ме ог эновт Ассьым Израиль войтырӧс, но пыр кута овны на пӧвстын».

Ӧксыяслӧн 3 небӧг 8:57

Господь, миян Енным, мед пыр лоӧ миянкӧд, кыдзи Сійӧ пыр вӧлі миян батьяскӧд. Сійӧ мед оз коль да оз эновт миянӧс.

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

Петӧм 3:12

Ен шуис: «Ме лоа тэкӧд. Со тэныд пас, мый Ме мӧдӧді тэнӧ. Кор тэ петкӧдан Менсьым войтырӧс Египетысь, ті юрбитанныд Енлы тайӧ керӧс вылас».

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Еремей 1:8

Эн пов некодысь, ӧд Ме тэкӧд, Ме доръя тэнӧ, – висьталӧ Господь.

Даниил 11:16

Войвывса ӧксы кутас вӧчны, мый кӧсъяс, и некод оз вермы сылы паныд сувтны. Аслас тышкайӧзкӧд сійӧ локтас мича муӧ да бырӧдас сійӧс.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

Индӧд 20:1

«Кор ті петанныд тышӧ да аддзанныд, мый вӧрӧглӧн вӧв-тарантасыс да тышкайӧзыс унджык тіян дорысь, энӧ полӧй, ӧд тіянкӧд Господь, тіян Енныд, коді петкӧдіс тіянӧс Египет муысь.

Индӧд 20:4

Ӧд Господь, тіян Енныд, тышӧ петас тіянкӧд ӧтвылысь, медым тіян пыдди тышкасьны вӧрӧгныдкӧд да сетны тіянлы вермӧм”.

Индӧд 31:23

Господь тшӧктіс Навлӧн Исус пилы: «Ло зумыд да повтӧм, ӧд тэныд ковмас нуӧдны Израиль пиянӧс сійӧ муас, мый йылысь Ме кыв сеті налы. Ме лоа тэкӧд».

Индӧд 4:31

Ӧд Господь, тіян Енныд – [бур да] мелі сьӧлӧма Ен. Сійӧ оз эновт да оз бырӧд тіянӧс. Сійӧ оз вунӧд, мый тіян батьяскӧд кыв сетӧмӧн кӧрталіс йитӧд.

Индӧд 7:24

Налысь ӧксыяссӧ Господь сетас тіян киӧ, и ті вуштыштанныд налысь нимъяссӧ енэж улысь. Некод оз вермы паныд сувтны, ті ставнысӧ бырӧданныд.

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Нав Исус 1:17

Ми кутам кывзысьны тэнсьыд, кыдзи кывзысим Мӧисейлысь. Сӧмын мед Господь, тэнад Енмыд, лоас тэкӧд, кыдзи Сійӧ вӧлі Мӧисейкӧд.

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Нав Исус 10:8

Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».

Нав Исус 21:44

Господь быд боксянь видзис найӧс да сетіс лӧнь олӧм, кыдзи кыв сетӧмӧн кӧсйысис налӧн батьяслы. Вӧрӧгъяс эз вермыны найӧс, ӧд став вӧрӧгсӧ Господь сетіс налӧн киӧ.

Нав Исус 3:7

Господь шуис Исуслы: «Талун Ме нимӧда тэнӧ став Израиль войтыр водзын. Найӧ тӧдмаласны, мый Ме тэкӧд, кыдзи вӧлі и Мӧисейкӧд.

Ёрдысьяс 2:18

Господь сувтӧдліс налы ёрдысьясӧс, и Ачыс вӧлі быд ёрдыськӧд. Господь мездывліс войтырсӧ вӧрӧг киысь ёрдысьлӧн олан кад чӧжыс. Ӧд Господьлӧн сьӧлӧмыс нормывліс войтырыслысь дзескӧдӧм вӧсна ойзӧмсӧ кылігӧн.

Ёрдысьяс 6:16

Господь шуис сылы: «Ме лоа тэкӧд! Ӧти мортӧс моз тэ пасьвартан мадиансаясӧс».

Ӧксыяслӧн 1 небӧг 10:7

Кор тайӧ ставыс инас, сэки вӧч, мый вермана тэныд вӧчнысӧ, ӧд тэкӧд лоӧ Ен.