Наум 3:5 - Коми Библия 2023

⁵ Ме сувта тэныд паныд, – висьталӧ Господь Саваоф. – Ме лэпта тэнсьыд паськӧм пӧлатӧ да плавга сійӧс чужӧм вылад. Тэнсьыд куш яйтӧ Ме петкӧдла войтыръяслы, тэнсьыд яндзимтӧ – йӧз муын олысьяслы.

Наум 3:5 Kruisverwysings

Еремей 13:22

Ас пытшкад тэ шуан: «Мыйысь менӧ суис тайӧ?» Тэнад лыдтӧм-тшӧттӧм мыжъясыд вӧсна лэптісны тэнсьыд бӧждортӧ, мырдӧналісны-янӧдісны тэнӧ.

Еремей 13:26

Таысь Ме чужӧм вылӧдзыд лэпта бӧждортӧ, медым тыдовтчас тэнад яндзимыд.

Еремей 50:31

Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.

Езекиль 16:37

Та вӧсна Ме быдласянь чукӧрта тэныд паныд мусукъястӧ, кодъяс нимкодьпырысь волывлісны тэ дінӧ, найӧс, кодъясӧс тэ радейтлін, и кодъясӧс тэ мустӧмтлін. Ме сувтӧда тэнӧ на водзӧ пасьтӧгыд, и найӧ аддзасны тэнсьыд куш яйтӧ.

Езекиль 21:3

Израиль мулы шу, мый Господь тадзи висьталӧ: Ме сувта тэныд паныд, перъя Ассьым шыпуртӧс, виа веськыда олысьясӧс да мыжаясӧс.

Езекиль 23:25

Кор найӧ скӧрпырысь мыждасны тэнӧ, Ме сета тэныд тӧдны Ассьым вежӧгтӧмӧс. Найӧ керыштасны тэнсьыд ныртӧ да пельтӧ, а сэсся тэнӧ шыпуртӧн виасны. Ныв-питӧ найӧ нуӧдасны пленӧ, а коляс войтыртӧ би ньылыштас.

Езекиль 23:29

Найӧ скӧрпырысь вӧчасны тэныд лёксӧ, мырддясны тэнсьыд ставсӧ, мый удж помсьыд чукӧртін. Найӧ колясны тэнӧ пасьтӧгыд. Тэнад куш яйыд кутас тыдавны, воссяс тэнад лэдзчысьӧм олӧмыд да кырсалӧмыд.

Езекиль 26:3

Та вӧсна Господь Ыджыдыс тадзи висьталӧ: Ме сувта тэныд паныд, Тир. Ассьыс гыяссӧ кыпӧдысь саридз моз Ме кыпӧда тэныд паныд войтыръясӧс.

Микей 1:11

Петӧй карсьыныд, Шафирын олысьяс, пасьтӧгныд петӧй, янӧдӧмаӧн мунӧй. Цаананын олысьяслы некытчӧ пышйыны. Бет-Эцелын бӧрдӧм кылӧ, та вӧсна ті, Шафирысь петысьяс, сэтчӧ онӧ овмӧдчӧй.

Наум 2:13

– Ме сувта тэныд паныд, – висьталӧ Господь Саваоф. – Ме тшынйыв лэпта тэнсьыд тарантасъястӧ, шыпурт бырӧдас том левъястӧ. Ме бырӧда му вылысь ставсӧ, мый тэ мырддялін, дугдас кывны тэнад мӧдӧдӧмаяслӧн гӧлӧс шыныс.

Аввакум 2:16

Тэ пӧтмӧныд яналан, ошкӧмыс тэныд оз ло. Ӧні ю – мед пасьтӧгыд тэнӧ аддзасны. Господь кисьтас Ассьыс скӧрлуна дозсӧ тэ вылӧ, нималӧм пыдди тэныд лоӧ яналӧм.