Наум 3:16 - Коми Библия 2023

¹⁶ Тэнад вузасьысьыд енэжвыв кодзув дорысь на унджык, но найӧ саранча моз разаласны-бырасны.

Наум 3:16 Kruisverwysings

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Неемий 9:23

Налысь пиянсӧ Тэ рӧдмӧдін енэжвыв кодзувъяс мында. Тэ вайӧдін найӧс сійӧ муас, мый йылысь Тэ кӧсйысьлін налӧн батьяслы.

Псалтыр 105:34

Найӧ эз бырӧдны сійӧ войтыръяссӧ, кодъяс йылысь Господь висьтавліс налы,

Исай 23:8

Коді шуис, мый Тиркӧд тадзи лоас? Сійӧ индывліс ӧксыясӧс, сылӧн вузасьысьясыс вӧліны веськӧдлысьясӧн, найӧс вылӧ пуктісны став му пасьталаыс.

Еремей 33:22

Кыдзи енэжвыв кодзувъяссӧ он вермы лыддьыны, саридздор лыасӧ он вермы муртавны, сідзи жӧ он вермы лыддьыны Менам Давид кесйӧгсянь чужысьясӧс да Меным кесъялысь левитъясӧс, ӧд Ме рӧдмӧда найӧс».

Йоиль 1:4

Лёльӧяс бӧрся коляссӧ сёйис саранча, саранча бӧрся сёйисны чиркъяс, чиркъяс бӧрся сёйисны гагъяс.