Наум 2:3 - Коми Библия 2023

³ Тэнӧ пазӧдысь тышкайӧз пасьтасьӧмаӧсь пемыдгӧрд паськӧмӧ, налӧн сайӧдъясыс гӧрд рӧмаӧсь, тышӧ дасьтӧм тарантасъясыс югъялӧны би моз, налӧн ёсь шыясыс гыалӧны вӧр моз.

Наум 2:3 Kruisverwysings

Иов 39:23

Сы вылын гольскӧ верзьӧмалӧн ньӧвпуртӧс, дзирдалӧны ёсь шыяс.

Псалтыр 80:13

Та вӧсна Ме эновті найӧс, коли найӧс овны чорзьӧм сьӧлӧмӧн, асланыс кӧсйӧм серти.

Исай 14:8

Нимкодясьӧны кипарисъяс, нимкодясьӧны ливанса сус пуяс. Найӧ шуалӧны вавилонса ӧксылы: «Тэнӧ вермӧма, миянӧс некод нин оз пӧрӧд».

Езекиль 23:24

Найӧ локтасны тарантасъясӧн да уна тышкайӧзӧн, уськӧдчасны тэ вылӧ шыпуртъясӧн. Юрнысӧ тупкӧмӧн, ыджыд да ичӧт сайӧдъяс босьтӧмӧн тышкайӧзыс кытшаласны тэнӧ быд боксянь. Ме сета налы мыждыны тэнӧ, и найӧ мыждасны тэнӧ асланыс индӧдъяс серти.

Езекиль 26:7

Господь Ыджыдыс тадзи висьталӧ: Ме вайӧда Тир вылӧ вавилонса Навукодоносор ӧксыӧс, ӧксыяслысь ӧксыӧс. Сійӧ локтас войвывсянь вӧвъясӧн, тарантасъясӧн да верзьӧмаясӧн – ыджыдсьыс-ыджыд тышкайӧзӧн.

Наум 3:2

Сэні кылӧ орсӧн швичйӧдлӧм, гӧгыльяслӧн грымгӧм. Вӧвъяс гӧрдлӧны, тарантасъяс грымакылӧны.

Закар 1:8

Войнас ме аддзылі петкӧдчылӧм. Ковтысын мирт пуяс пӧвстын сулаліс гӧрд вӧла верзьӧма. Сы бӧрвылын сулалісны гӧрд, пегана да еджыд вӧвъяс.

Закар 11:2

Сыркъялӧмӧн бӧрд, кипарис, ӧд сус пуыд пӧрис, ыджыд пуястӧ бырӧдӧма. Сыркъялӧмӧн бӧрдӧй, васанса тупуяс, ӧд сук вӧрыд пӧрласис.

Закар 6:2

Медводдза тарантассӧ кыскисны гӧрд вӧвъяс, мӧдсӧ – сьӧд вӧвъяс,

Восьтӧм 12:3

Сэсся енэжас лои мӧд индысьпас. Ме аддзи би гӧрд рӧма ыджыд гундырӧс. Сійӧ вӧлі сизим юра да дас сюра. Быд юр вылын вӧлі юркытш.

Восьтӧм 6:4

Сэки петіс мӧд вӧв, сійӧ вӧлі би гӧрд рӧма. Сы вылын пукалысьлы вӧлі сетӧма вын – босьтны му вылысь лӧньлунсӧ, медым йӧзыс виалісны ӧта-мӧднысӧ. Сылы вӧлі сетӧма ыджыд шыпурт.