Наум 1:7 - Коми Библия 2023

⁷ Господь – бур, Сійӧ дорйӧ сьӧкыд кадӧ, Сійӧ тӧдӧ Сы вылӧ лача кутысьясӧс.

Наум 1:7 Kruisverwysings

1 Каднебӧг 16:34

Ошкӧй Господьӧс, ӧд Сійӧ бур, Сылӧн буралӧмыс оз помасьлы!

1 Каднебӧг 5:20

Енмыс отсаліс налы да сетіс налӧн киӧ Агарсянь чужысьясӧс да на дор сулалысьясӧс. Енмыс кыліс Сы вылӧ лача кутысьяслысь кевмӧмсӧ, кор найӧ тыш дырйи шыасисны Сы дінӧ.

2 Каднебӧг 13:18

Тадзи вӧлі раммӧдӧма Израиль войтырӧс. А Иуда войтыр вӧлі вына, ӧд найӧ лача кутісны батьясныслӧн Господь Ен вылӧ.

2 Каднебӧг 32:11

Езекей шуӧ, мый Господь, тіян Енныд, мездас тіянӧс ассурса ӧксылӧн киысь. Но тадзи шуалігӧн сійӧ ылӧдлӧ тіянӧс, и ті куланныд тшыгныдла да горш косьмӧмныдла.

2 Каднебӧг 32:21

Сэки Господь мӧдӧдіс анделӧс, и сійӧ бырӧдіс ассурса ӧксылысь став вына тышкайӧзсӧ да налысь юралысь-веськӧдлысьяссӧ. Ассурса ӧксы яналӧмӧн бӧр бергӧдчис аслас муӧ. Кор сійӧ пырис аслас енлӧн крамӧ, сэні сылӧн пияныс виисны сійӧс шыпуртӧн.

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Ездра 3:11

Господьӧс ошкӧмӧн да нимӧдӧмӧн найӧ сьылісны: Господь бур, Сылӧн буралӧмыс Израиль дінӧ оз помасьлы! Став войтырыс гораа горзӧмӧн ошкис Господьӧс. Ошкисны Господьӧс сыысь, мый крамлысь подувсӧ лои пуктӧма.

Псалтыр 1:6

Господь тӧдӧ веськыда олысьяслысь туйсӧ, а лёк вӧчысьяслӧн туйыс нуӧдӧ кулӧмӧ.

Псалтыр 100:5

Аслас матысса вылӧ гусьӧн удтысьысьӧс ме вӧтла ас дінысь, вылӧ кыпӧдчысьӧс да ышнясьысьӧс ме ог сибӧд.

Псалтыр 20:1

Сьылысьясӧн веськӧдлысьлы. Давидлӧн псалом.

Псалтыр 25:8

Господьӧй, меным муса Тэнад крамыд, Тэнад дзирдлуныдлӧн оланіныс.

Псалтыр 27:5

Ӧд найӧ нинӧмӧ пуктӧны Господьлысь уджъяссӧ, Сылысь вӧчӧмторъяссӧ. Та вӧсна Сійӧ пасьвартас найӧс, и бӧрсӧ кок выланыс оз сувтӧд.

Псалтыр 46:2

Войтыръяс, клопайтӧй кинаныд, гораа нимкодясьӧмӧн ошкӧй Енсӧ!

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Псалтыр 71:3

Керӧсъяс мед ваясны йӧзыслы лӧньлун, мылькъяс – веськыдлун.

Псалтыр 86:7

Сьылысьяс да ворсысьяс шуалӧны, ми пӧ ставным чужлім Сион карын.

Псалтыр 9:10

Господь лоӧ сайӧдчанінӧн дзескӧдӧмалы, дзебсянінӧн – шог дырйи.

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Шусьӧгъяс 18:10

Дышпырысь кӧ уджалан, тэ – бырӧдысьлы вок.

Исай 25:4

Тэ дорйин гӧльясӧс, видзин коньӧръясӧс налӧн сьӧкыд кадӧ. Тэ вӧлін сайӧдчанінӧн ыджыд тӧвнырысь, вуджӧрӧн – шонді пӧжӧмысь. Ӧд дзескӧдысьяслӧн ловшыныс стенлы паныд пӧльтысь тӧвныр кодь.

Исай 32:2

Быдӧн на пиысь лоӧ тӧвнырысь вевттьӧдӧн, бушколысь сайӧдӧн, кос муын ва петанінӧн, пӧжан муын джуджыд керӧслӧн вуджӧрӧн.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Еремей 17:17

Эн повзьӧдлы менӧ, сьӧкыд кадӧ Тэ – менам сайӧдчаніныс.

Еремей 24:5

«Господь, Израильлӧн Ен, тадзи висьталӧ: тайӧ бур инжир вотӧссӧ моз Ме шогманаӧн лыддя Иуда муысь пленӧ босьтӧмаясӧс, кодъясӧс Ме вӧтлі тайӧ мусьыс Калдея муӧ.

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Бӧрданкыв 3:25

Господь бур Сы вылӧ лача кутысьяс дінӧ, Сійӧс корсьысьяс дінӧ.

Даниил 3:28

Тэ веськыда мыждін миянӧс да миян батьяслысь вежа Ерусалим карсӧ, Тэ мыждін Аслад збыльыд серти, миян мыжъяс вӧсна став тайӧ сьӧкыдсӧ Тэ мӧдӧдін миянлы.

Даниил 6:23

Даниил вӧсна ӧксы ёна нимкодясис да тшӧктіс лэптыны сійӧс гусьыс. Сійӧс лэптісны, и сылӧн вир-яйысь эз аддзыны некутшӧм дойдалӧм, ӧд сійӧ лача кутіс аслас Ен вылӧ.

Йоиль 3:16

Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки енэжыс да муыс сыркмунасны. Но Господь доръяс Ассьыс войтырсӧ, Сійӧ видзас Израиль пиянӧс.

Софоний 3:12

Тэ пӧвстысь Ме кольӧда коньӧр да рам сьӧлӧма войтырӧс, найӧ пондасны лача кутны Менам нимӧй вылӧ.

Матвей 27:43

Сійӧ Ен вылӧ лачаӧн оліс. Мед Енмыс мездас ӧні, дона кӧ Сылы. Шуліс ӧд, Ме пӧ Ен Пи».

Матвей 7:23

Сэки Ме вочавидза налы: ”Ог тӧд тіянӧс. Мунӧй Ме дінысь, лёксӧ вӧчысьяс!”»

Иоан 10:14

Ме эм ыжъяслы бур видзысь. Ассьым ыжъясӧс Ме тӧда, и Менам ыжъясӧй тӧдӧны Менӧ.

Иоан 10:27

Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.

Римӧ 11:22

Тӧд, мый Енмыс бур сьӧлӧма, но овлӧ чорыдӧн. Чорыд усьӧмаяс дінӧ, бур сьӧлӧма тэ дінӧ, сӧмын кутчысян кӧ Сылӧн бурлунӧ. Он кӧ, тэнӧ тшӧтш керыштасны.

Галатӧ 4:9

Но ӧні ті тӧданныд Енсӧ, бурджык шуны, Енмыс тӧдӧ тіянӧс. Сідзкӧ, мыйла ті бӧр бергӧдчанныд муюгыдса ковтӧм жеб вынъяс дінӧ да важ мозыс бара кӧртасянныд сэтчӧ?

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».