Микей 7:5 - Коми Библия 2023

⁵ Ёртыдлы эн эскы, матыссаыд вылӧ лачатӧ эн кут. Вомтӧ каличав весиг гӧтырыд водзын, коді тэкӧд ӧти вольпасьын куйлӧ.

Микей 7:5 Kruisverwysings

Псалтыр 141:3

Ме ловнам дзикӧдз усьӧма, но Тэ аддзан менсьым олан туйӧс. Ветлан туй вылӧ меным пуктӧма нальк.

Псалтыр 38:14

Ылыстчы ме дінысь, медым кулӧм водзвылын ме верми на нимкодясьыштны.

Псалтыр 41:9

Луннас Господь петкӧдлӧ Ассьыс буралӧмсӧ, а войнас ме сьылӧмӧн ошка Сійӧс, кевмыся менам олӧмӧйлӧн Енлы.

Еремей 9:3

Ньӧввужйӧс моз найӧ зэвтӧны кывнысӧ, медым пӧръясьны. Найӧ оз кутчысьны збыляс, дугдывтӧг вӧчӧны лёксӧ. Менӧ найӧ оз тӧдны, – висьталӧ Господь. –

Еремей 9:4

Видзчысьӧй ёртъяссьыныд, энӧ эскӧй вокъясныдлы, ӧд вокыс конйыштӧ воксӧ, ёртыс суклясьӧ аслас ёрт йылысь.

Бӧрданкыв 1:2

Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Ёрдысьяс 14:17

Гаж мунігчӧжыс гӧтырыс бӧрдӧмнас дӧзмӧдіс Самсонӧс. Сизимӧд луннас Самсон гӧгӧрвоӧдіс сылы нӧдкывсӧ, ӧд гӧтырыс пикӧ воштіс сійӧс. Гӧтырыс гӧгӧрвоӧдіс нӧдкывсӧ аслас войтырлы.