Микей 7:10 - Коми Библия 2023

¹⁰ Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Микей 7:10 Kruisverwysings

Ӧксыяслӧн 2 небӧг 22:43

Ме шердъя найӧс тӧвйыв бусӧс моз, таляла найӧс туйвыв няйтӧс моз.

Псалтыр 115:2

кор меным вӧлі вывті сьӧкыд, ме шуи: «Став йӧзыс – пӧръясьысьяс».

Псалтыр 42:3

Мӧдӧд Ассьыд югыдтӧ да збыльтӧ! Найӧ мед нуӧдасны менӧ, мед вайӧдасны Тэнад вежа керӧс вылӧ, Тэнад оланінӧ.

Псалтыр 58:10

Енмӧй, Тэ – менам выныс! Ме виччыся Тэнӧ, ӧд Тэ – менӧ Дорйысьыс.

Псалтыр 79:10

Мусӧ Тэ весалін, виноградтӧ сэтчӧ вужйӧдін, и сійӧ паськаліс му пасьталаыс.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 41:25

Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.

Еремей 49:15

– Эдом, Ме вӧча тэнӧ войтыръяс пӧвстын медічӧтӧн, йӧз пӧвстын мустӧмӧн.

Еремей 51:24

Израиль войтыр, тіян син водзын Ме мынтыся Вавилонлы да Калдея муын олысьяслы став лёксьыс, мый найӧ вӧчисны Сионын, – висьталӧ Господь.

Еремей 51:51

– Миянӧс янӧдісны, ми кылім лёкӧдӧм, миянлы лои юръяндзим, ӧд йӧз муысь локтысьяс пырисны Господьлӧн крамса вежаинъясӧ.

Езекиль 7:18

Найӧ пасьталасны шогалан паськӧм, бритасны юрнысӧ. Полӧм-тіралӧм босьтас найӧс, яндзим вевттяс чужӧмнысӧ.

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Йоиль 2:17

Бӧрдӧй, попъяс, крам посводз да висьпуктанін костын. Господьлӧн кесъялысьяс, шуӧй: «Господьӧй, ло бур сьӧлӧма Аслад войтыр дінӧ. Эн сет янӧдны Ассьыд войтыртӧ, эн лэдз мукӧд войтырлы омӧльтны миянӧс. Мед найӧ оз шуны, кӧні Израильлӧн Енмыс».

Авдий 1:10

Ассьыд Яков воктӧ дзескӧдӧм вӧсна тэнӧ лоӧ янӧдӧма, Исав, тэнӧ лоӧ пыр кежлӧ бырӧдӧма.

Авдий 1:12

Тэ лёка вӧчин, кор нимкодясин вокыдлӧн сьӧкыдалан лунӧ, кор нимкодясин Иуда войтырӧс бырӧдан лунӧ, кор омӧльтін найӧс шог дырйиныс.

Микей 4:11

Ӧні тэныд паныд чукӧртчисны войтыръяс, найӧ шуалӧны: «Вай янӧдам Сион нылӧс, кутам видзӧдны сійӧс бырӧдӧмсӧ».

Микей 7:8

Менӧ мустӧмтысь, эн серав ме вылын! Ме усьӧма, но ме чечча. Ме ола пемыдын, но Господь – менам югыдыс.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Закар 10:5

Найӧ лоӧны вына тышкайӧз кодьӧсь, таляласны вӧрӧгӧс кокувса няйтӧс моз. Найӧ вермасны тышын, ӧд накӧд лоӧ Господь, найӧ янӧдасны вӧрӧглысь верзьӧмаяссӧ.

Малакий 1:5

Ті асланыд синмӧн аддзанныд тайӧс да шуанныд, Господь пӧ ыджыдалӧ тшӧтш Израильӧс кытшалысь муяс вылын!

Малакий 4:3

Менам индӧм лунӧ ті понданныд талявны лёк вӧчысьясӧс, бус чирӧдз ниртанныд найӧс кок уланыд, – висьталӧ Господь Саваоф.

Матвей 27:43

Сійӧ Ен вылӧ лачаӧн оліс. Мед Енмыс мездас ӧні, дона кӧ Сылы. Шуліс ӧд, Ме пӧ Ен Пи».

Нав Исус 7:9

Кор ханаансаяс да тайӧ муас мукӧд олысьыс кыласны та йылысь, найӧ кытшаласны миянӧс да вуштасны нимнымӧс войтыръяс пӧвстысь. Мый Тэ вӧчан, медым дорйыны Ассьыд ыджыд нимтӧ?»

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.