Микей 6:8 - Коми Библия 2023

⁸ Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Микей 6:8 Kruisverwysings

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Олӧм 5:22

Метушал чужӧмсянь Енок оліс Ен водзын куимсё во. Сылӧн чужисны на пиян да нывъяс.

2 Каднебӧг 30:11

Сӧмын Асирлӧн, Манассейлӧн да Завулонлӧн чужанкотырысь кодсюрӧ раммӧдчисны да локтісны Ерусалимӧ.

2 Каднебӧг 32:26

Но Езекей раммӧдчис, Ерусалимын олысьяс тшӧтш раммӧдчисны, и Езекейлӧн олан кадӧ Господьлӧн скӧрлуныс эз су найӧс.

2 Каднебӧг 33:19

Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

2 Каднебӧг 34:27

”Тэ небзьӧдін сьӧлӧмтӧ да раммӧдчин Ме водзын, кор тэ кылін, мый Ме висьтавлі тайӧ карыс да сэні олысьяс йылысь. Тэ раммӧдчин Ме водзын, косялін паськӧмтӧ да бӧрдін Ме водзын, та вӧсна Ме кылі тэнӧ, – висьталӧ Господь. –

Неемий 9:13

Тэ лэччин Синай керӧс вылӧ, сёрнитін накӧд енэжсяньыс, сетін налы веськыд Индӧд, бур шуӧмъяс да тшӧктӧмъяс.

Псалтыр 101:1

Шогсьысь мортлӧн кевмысьӧм, кор сійӧ ловнас усьӧма да вайӧ ассьыс шогсӧ Господь водзӧ.

Псалтыр 112:4

Господь – став войтыръяс вылын Ыджыдыс, Сылӧн дзирдлуныс кыптӧ енэжъясысь вылӧджык на.

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Шусьӧгъяс 21:3

Веськыда олӧмыд да веськыда мыждӧмыд вись вайӧм дорысь Господьлы шогманаджык.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Исай 56:1

Господь тадзи висьталӧ: – Мыждӧй веськыда, олӧй веськыда, ӧд регыд воас Месянь мездмӧмыс, регыд воссяс Менам веськыдлунӧй.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Еремей 22:16

Сійӧ дорйис гӧльясӧс да коньӧръясӧс, та вӧсна сылы вӧлі бур. Тадзи вӧчысь тӧдӧ Менӧ, – висьталӧ Господь. –

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Бӧрданкыв 3:26

Бур, кор чӧла виччысян мездмӧмсӧ Господьсянь.

Езекиль 16:63

Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Езекиль 33:14

Кор Ме шуа лёк вӧчысьлы, мый сійӧ кулас, но сійӧ бергӧдчас мыжсьыс да пондас овны веськыда,

Осий 12:6

Израиль, бергӧдчы аслад Ен дінӧ. Видз Ен дінӧ муслунтӧ да ов веськыда, быд кадӧ лача кут аслад Ен вылӧ.

Осий 6:6

Ас дінӧ муслун тіянсянь кӧсъя, ог вись вайӧм, Менӧ тӧдӧм, а ог сотан висьяс.

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Амос 5:24

Но веськыда мыждӧмыс мед визувтас ва моз, веськыдлуныс – ю моз.

Микей 6:9

Мывкыд морт вежавидзӧ Господьысь. Господь шыасьӧ кар дінӧ, кывзӧй Сійӧс, карса олысьяс да веськӧдлысьяс!

Софоний 2:3

Корсьӧй Господьӧс, мувывса рам сьӧлӧмаяс, Сылӧн Индӧд серти олысьяс. Корсьӧй веськыдлунсӧ, корсьӧй рамлунсӧ, сэки, гашкӧ, ті верманныд дзебсьыны Господьлӧн скӧралан лунӧ.

Закар 7:9

– Господь Саваоф тадзи висьталӧ: веськыда мыждӧй, лоӧй бур сьӧлӧмаӧсь да меліӧсь ӧта-мӧдныд дінӧ.

Матвей 5:3

«Шудаӧсь ловныслы корысьяс, ӧд налӧн эм Енэжвыв Юралӧм.

Матвей 5:7

Шудаӧсь бур сьӧлӧмаяс, ӧд налы бур сьӧлӧмсянь вӧчасны.

Лука 10:42

а коланаыс сӧмын ӧтитор. Марья бӧрйис бурджыксӧ, и тайӧс сылысь оз мырддьыны».

Лука 11:42

Курыд шог тіянлы, фарисейяс! Ті сетанныд исань турунысь, рута корйысь да став пуктасысь дасӧд юкӧнсӧ, а веськыда мыждӧмсӧ да Енмӧс радейтӧмсӧ бокӧ вештанныд. Тайӧс колӧ вӧчны да мукӧдторсӧ оз ков вунӧдны.

Лука 12:14

Исус шуис: «Коді пуктіс Менӧ ёрдысьӧ, мед тіянлысь овмӧснытӧ юкны?»

Лука 6:36

Лоӧй Батьныд моз бур сьӧлӧмаӧсь».

Римӧ 7:16

Вӧча кӧ сійӧ, мый ог кӧсйы, сэки гӧгӧрвоа, мый Индӧдыс бур вылӧ.

Римӧ 9:20

Мортӧй, коді тэ сэтшӧмыс, мый Енкӧд вензян? Вӧчӧмторйыс ӧмӧй вермас шуны вӧчысьыслы: «Мыйла тэ менӧ татшӧмнас вӧчин?»

1 Коринфӧ 7:16

Гӧтыр, тэ ӧмӧй верман тӧдны, мый мездан ассьыд верӧстӧ? А тэ, верӧс, верман ӧмӧй тӧдны, мый мездан ассьыд гӧтыртӧ?

Ефесӧ 4:32

Ӧта-мӧдныд дінӧ лоӧй бур сьӧлӧмаӧсь да меліӧсь. Енмыс Кристос пыр прӧститіс тіянӧс, сідзкӧ, ті тшӧтш прӧститӧй ӧта-мӧднытӧ.

Индӧд 27:10

Кывзысьӧй Господьлысь, асланыд Енлысь, олӧй Сылӧн став индӧд-тшӧктӧмыс серти, мый талун висьтала тіянлы».

Индӧд 30:15

Талун ме пукті тіян водзӧ олӧмсӧ да бурсӧ, кулӧмсӧ да лёксӧ.

Колосӧ 3:12

Сідзкӧ, лоӧй бур сьӧлӧмаӧсь, меліӧсь, авъяӧсь да рамӧсь, терпитӧй ӧта-мӧднытӧ. Ті ӧд Енлӧн бӧрйӧмаяс, вежаяс да Сылӧн мусаяс.

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным

Яков 2:20

Но кӧсъян-ӧ тӧдны, мывкыдтӧм мортӧй, мый уджъястӧм эскӧмыд – кулӧм эскӧм.

Нав Исус 24:14

Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.

1 Петыр 3:8

Медбӧрти кӧсъя шуны тіянлы: олӧй ӧти сьӧлӧмӧн да ӧти лолӧн, радейтӧй ӧта-мӧднытӧ, лоӧй меліӧсь да рамӧсь.

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.

Ӧксыяслӧн 1 небӧг 15:22

Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.