Микей 6:15 - Коми Библия 2023

¹⁵ Ті кӧдзанныд, но онӧ вундӧй, олив тусьтӧ пычканныд, но выйнас онӧ мавтчӧй, виноград вотӧстӧ таляланныд, но винасӧ онӧ юӧй.

Микей 6:15 Kruisverwysings

Иов 31:8

сэки менсьым кӧдзӧмасӧ мед мукӧдъяс сёясны, менсьым став петассӧ мед вужнас нетшкасны.

Еремей 12:13

Менам войтырӧй кӧдзис шобді, а вундіс йӧн. Найӧ ёна мырсисны, но ставыс весьшӧрӧ. Мед тіянлы яндзим лоӧ нянь чукӧртіганыд, ӧд Господьлӧн яр скӧрлуныс вӧсна суис тіянӧс тайӧ.

Левит 26:16

тӧдӧй, мый Ме сэки тіянкӧд вӧча. Ме мӧдӧда тіян вылӧ полӧм, вир-яй косьмӧм да биа висьӧм, мый вӧсна тіян синныд пемдас и ловныд нюкыртчас. Ті весьшӧрӧ кутанныд кӧдзны, ӧд вӧрӧг сёяс няньнытӧ.

Левит 26:20

Весьшӧрӧ вынтӧ пуктанныд, ӧд муныд оз сет быдтассӧ, пуясныд оз сетны тіянлы вотӧссӧ.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Аввакум 3:17

Весиг кӧ инжир оз понды дзоридзавны, виноград оз сет вотӧссӧ, олив оз гӧрддзась, кӧдзӧм му вылын оз во нянь, гидын оз ло ыж-мӧс,

Софоний 1:13

Но налысь озырлунсӧ мырддясны, налысь керкаяссӧ куштасны. Найӧ лэптасны керкаяс, но овны сэні оз кутны, пуктасны виноград, но винасӧ юны оз кутны.

Аггей 1:6

Ті уна кӧдзанныд, но этша вунданныд, ті сёянныд, но онӧ пӧтӧй, ті юанныд, но горшныд оз веськав, ті пасьтасянныд, но онӧ шоналӧй, ті мырсянныд-уджаланныд, но зепныд век куш.

Иоан 4:37

Кывйӧз веськыда висьталӧ: ”Ӧти кӧдзӧ, а мӧд вундӧ”.

Ёрдысьяс 6:4

сувтӧдӧны сэтчӧ ассьыныс чомъяснысӧ, нырӧны-талялӧны да куштӧны налысь мувыв быдтассӧ весиг Газа кар дорӧдз. Найӧ кольлісны Израиль войтырӧс сёянтӧг, мырддьывлісны налысь ыжъяссӧ, ӧшъяссӧ да осёлъяссӧ.