Микей 5:5 - Коми Библия 2023

⁵ Сійӧ ваяс лӧнь олӧм. Кор ассурса тышкайӧз пырасны миян муӧ да кутасны талявны миянлысь изкаръяс, ми кыпӧдам налы паныд сизим веськӧдлысьӧс, кӧкъямыс юралысьӧс.

Микей 5:5 Kruisverwysings

Иов 5:19

Квайт шогысь Сійӧ мездас тэнӧ, сизимӧдыс оз инмӧдчыв тэ дінӧ.

Псалтыр 72:7

Тшӧгнысла налӧн синныс бердӧма, налӧн мӧвпъясныс жуӧны-бергалӧны.

Шусьӧгъяс 30:18

Куимтор шензьӧдӧ менӧ, нёльтор ме ог гӧгӧрво:

Шусьӧгъяс 30:29

Со куим, кодлӧн ветласыс лӧсьыд, нёль, коді ветлӧ мичаа:

Шусьӧгъяс 6:16

Со, квайттор, мый мустӧмтӧ Господь, весиг сизимтор, мый зывӧктӧ:

Еклесиаст 11:2

Юк озырлунтӧ сизим либӧ кӧкъямыс пельӧ, он ӧд тӧд, кутшӧм сьӧкыд кад пуксяс му вылас.

Исай 14:25

Аслам му вылын Ме пасьварта Ассур тышкайӧзӧс, Аслам керӧсъяс вылын Ме таляла найӧс. Менам войтырӧй мынас Ассурлӧн сийӧс улысь, налӧн пельпом вылысь усяс сьӧкыд нопйыс.

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Исай 59:19

Рытыввылын пондасны повны Господьлӧн нимысь, асыввылын – Сылӧн дзирдлунысь. Вӧрӧг кӧ ыльӧбтас ю моз, Господьлӧн ловшыыс вӧтлас сійӧс.

Исай 65:8

Господь тадзи висьталӧ: – Кор виноград розйыс кисьмӧма нин, сэки шуӧны: «Энӧ чегӧй сійӧс, ӧд сійӧ вайӧ бурсиӧм». Ме тадзи жӧ вӧча Аслам кесйӧгъяс ради: ог ставнысӧ бырӧд.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Еремей 33:15

Сійӧ кадас Менам кӧсйӧм серти Давид рӧдысь петас веськыда Олысь, Сійӧ кутас веськыда вӧчны да веськыда мыждыны.

Амос 1:3

Господь тадзи висьталӧ: – Дамаск карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд кӧртысь вӧчӧм вартан гӧгыльӧн Галаад му вывті мунісны.

Амос 1:6

Господь тадзи висьталӧ: – Газа карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд уна войтырӧс нуӧдісны пленӧ, вузалісны найӧс эдом войтырлы.

Закар 10:11

Найӧ вуджасны саридзті сьӧкыдыслӧн топӧдӧмысь, найӧ пасьвартасны саридзлысь гыяссӧ, Нил ю кушӧдз косьмас. Ассурлысь вылӧ кыпӧдчӧмсӧ лоӧ улӧ лэдзӧма, Египетлысь ыджыдалан вынсӧ лоӧ мырддьӧма.

Закар 10:3

– Ме чорыда скӧрми найӧс видзысьяс вылӧ, найӧс нуӧдысьясӧс Ме мыжда. Господь Саваоф тӧждысяс Аслас ыжъяс вӧсна, Иуда чужанкотыр вӧсна, вӧчас найӧс тышӧ петысь вына вӧвъяс кодьӧн.

Закар 12:6

Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».

Закар 9:10

Сійӧ пасьвартас Ефремысь тарантасъяссӧ, бырӧдас Ерусалимысь вӧвъяссӧ, чегъялас тышкасян ньӧввужъяссӧ. Сійӧ юӧртас войтыръяслы лӧнь олӧм йылысь, пондас юравны саридзсянь саридзӧдз, Ефрат юсянь му помӧдз.

Закар 9:13

Ме зэвта Иудаӧс ньӧввужйӧс моз, Ефремӧс босьта ньӧв пыдди. Тэнсьыд пиянтӧ, Сион, Ме паныд кыпӧда яванса пиянлы, вӧча тэнӧ тышкасян шыпуртӧн.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

Восьтӧм 19:14

Сы бӧрся еджыд вӧвъяс вылын мунісны енэжвывса тышкакотыръяс, найӧ вӧлі пасьтасьӧмаӧсь еджыд да сӧстӧм шабді паськӧмӧ.