Микей 2:10 - Коми Библия 2023

¹⁰ Чеччӧй, мунӧй татысь! Шойччаніныс тані тіянлы оз ло, ӧд пежасьӧмыс вӧсна мусӧ куштасны, мусӧ лоӧ дзикӧдз бырӧдӧма.

Микей 2:10 Kruisverwysings

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

2 Каднебӧг 7:20

сэки Ме нетшышта тіянӧс Аслам му вылысь, мый Ме сеті тіянлы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь да серамтуйӧ пукта войтыръяс пӧвстын.

Псалтыр 106:38

Господь бурсиӧ найӧс, и налӧн лыдыс содӧ, налӧн ыж-мӧскыс оз чин.

Псалтыр 95:11

Мед гажӧдчас енэжыс, мед нимкодясяс муыс, мед шызяс саридзыс да став сэні олысьыс,

Еремей 10:18

Ӧд Господь тадзи висьталӧ: тайӧ муас олысьясӧс ӧні Ме вӧтла, дзескӧда найӧс сідзи, медым тӧдісны.

Еремей 3:2

Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.

Еремей 9:19

Сионсянь кылӧ бӧрдӧм шы: «Миянлысь ставсӧ мырддисны, миянлы юръяндзим. Миянлы ковмас эновтны мунымӧс, ӧд керкаяснымӧс пазӧдӧма-кисьтӧма!»

Езекиль 36:17

«Морт пиӧй, аслас муын олігӧн Израиль войтыр пежаліс мусӧ аслас оласногнас да уджъяснас. Менам син водзын налӧн олан туйыс вӧлі аньлӧн тӧлысся кодь пеж.

Езекиль 36:19

Ме разӧді найӧс мукӧд войтыръяс пӧвстӧ, ӧні найӧ олӧны мукӧд муясын. Ме мыжді найӧс оласног да уджъяс сертиныс.

Индӧд 12:9

Ті энӧ на воӧй шойччанінӧ – сійӧ муас, мый Господь, тіян Енныд, сетас тіянлы.

Индӧд 30:18

тіянӧс лоӧ бырӧдӧма. Тайӧс висьтала тіянлы талун. Ті дырсӧ онӧ олӧй сійӧ муас, [мый Господь, тіян Енныд, сетас тіянлы,] кытчӧ ті вуджанныд Йӧрдан ю сайӧ, медым босьтны сійӧс аслыныд.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.