Микей 1:7 - Коми Библия 2023

⁷ Идолъяссӧ жугласны, кырсалӧмысь сетӧм козинъяссӧ сотасны. Ме бырӧда сылысь идолъяссӧ, ӧд кырсалӧмысь босьтӧм дон вылӧ сійӧ сувтӧдіс найӧс, и кырсалӧмысь бара лоӧ мынтысьӧма наӧн.

Микей 1:7 Kruisverwysings

2 Каднебӧг 31:1

Гажӧдчӧм бӧрын став Израиль войтырыс разӧдчис иудаса каръясӧ. Найӧ жуглісны юрбитан изъяс, пӧрӧдісны юрбитан пуяс, пазӧдісны вись ваян мылькъяс да висьпуктанінъяс став Иуда му пасьталаысь, тшӧтш Венямин, Ефрем да Манассей чужанкотыръяслӧн муысь. Та бӧрти Израиль войтырысь быдӧн бӧр муніс аслас муӧ да карӧ.

Исай 2:18

идолъяс дзикӧдз бырасны.

Исай 23:17

Сизимдас во кольӧм мысти Господь бара казьтыштас Тир йылысь. Тир бара кутас озырмӧдчыны. Кырсалысь ань моз сійӧ босьтас став мувывса войтыръяслысь вузасьӧмысь сьӧмнысӧ.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Езекиль 6:6

Быдлаын, кӧні ті оланныд, каръясныд лоасны овтӧминӧн, вись ваян мылькъясныд – кушинӧн. Висьпуктанінъяснытӧ да идолъяснытӧ лоӧ пасьвартӧма, тшынӧдчанінъяснытӧ да киӧн вӧчӧмторъяснытӧ – дзикӧдз бырӧдӧма.

Осий 2:12

Бырӧда сылысь виноград да инжир пуяссӧ, мый йылысь сійӧ шуліс, тайӧн пӧ мусукъясӧй мынтысьлісны меным. Ме лэдза вӧрсявны сад йӧръясыслы, зверъяс куштасны-сёясны сэтысь ставсӧ.

Осий 2:14

– Ме ышӧда сійӧс Ме бӧрся мунны, нуӧда сійӧс овтӧминӧ, понда сёрнитны сыкӧд меліа.

Осий 2:5

Налӧн мамныс кырсаліс, найӧс чужтысьыс асьсӧ янӧдіс. Сійӧ шуліс: «Муна аслам мусукъяс бӧрся. Найӧ сетӧны меным сёян-юан, вурун да шабді, вый да вина».

Осий 8:5

Самария, тэнсьыд ӧштӧ вештӧма. Менам скӧрлунӧй ыпъялӧ Израиль вылӧ – дыр-ӧ на оз сӧстӧммыны найӧ пежсьыс?

Осий 8:6

Израиль вӧчис ӧшкӧс, дорччысь вӧчис бӧлбанӧс, но сійӧ абу Ен. Самариялысь ӧшсӧ лоӧ торпыригӧдз жуглӧма!

Йоиль 3:3

Пудъясьӧмӧн найӧ юклісны Менсьым войтырӧс, зонмӧс вузалісны сійӧ жӧ донсьыс, мый мынтылісны кырсалысь аньлы, нылӧс вузалісны, медым вина ньӧбны да юны.

Левит 26:30

Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Индӧд 23:18

Энӧ вайӧй асланыд Господь Енлӧн керкаӧ кырсалӧм помысь босьтӧм сьӧм, медым збыльмӧдны кыв сетӧмнытӧ, ӧд кырсалысьяс зывӧкӧсь Господьлы, тіян Енлы.

Индӧд 9:21

Ті мыжминныд, мый вӧчинныд ӧшкӧс. Ме босьті тайӧ ӧшсӧ да соті биын, сэсся пызьӧдз ныри да койышті керӧс вывсянь визувтысь шорӧ.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.

Восьтӧм 18:9

Кор сылысь сьӧд тшынӧн сотчӧмсӧ аддзасны мувывса ӧксыяс, кодъяс кырсалісны да лышкыда гажӧдчисны сыкӧд, кутасны сыркъялӧмӧн бӧрдны сы вӧсна.

Ӧксыяслӧн 1 небӧг 5:4

Мӧд асывнас локтісны зэв водз да аддзисны, мый Дагон бара кымынь куйлӧ Господьлӧн куд водзын. Сылысь [коксӧ,] кисӧ да юрсӧ вӧлі керыштӧма, найӧ туплясисны тагӧс вылас. Кольӧма вӧлі сӧмын тушаыс.