Матвей 8:3 - Коми Библия 2023

³ Исус нюжӧдіс кисӧ, инмӧдчыліс сы дінӧ да шуис: «Кӧсъя. Сӧстӧммы». Висьысьлӧн дойясыс дзик пыр бырисны, сійӧ бурдіс.

Матвей 8:3 Kruisverwysings

Олӧм 1:3

Ен шуис: «Мед лоас югыд». И лои югыд.

Ӧксыяслӧн 4 небӧг 5:11

Нееман скӧрмис да муніс шуасьӧмӧн: «Ме чайті, пророк ачыс петас ме дінӧ, кевмысяс Господьлы, аслас Енлы, нюжӧдлас кисӧ висянін весьтӧ да бурдӧдас менӧ проказаысь.

Ӧксыяслӧн 4 небӧг 5:14

Сэки Нееман муніс Йӧрдан ю дорӧ да Ен мортлӧн шуӧм серти сизимысь дзумгысьліс юас. Нееман лои сӧстӧм, сылӧн кучикыс лои кагалӧн кодь.

Псалтыр 33:9

Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.

Петӧм 4:7

Господь шуис: «Китӧ бӧр сюй питшӧгад». Мӧисей бара сюйис кисӧ питшӧгас. Сэсся перйис кисӧ, и киыс бӧр лои вир-яйыс кодь сӧстӧм.

Матвей 12:13

Сэсся Исус шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Марк 1:41

Исуслӧн сьӧлӧмыс нормис. Сійӧ нюжӧдіс кисӧ, инмӧдчыліс висьысь дінӧ да шуис: «Кӧсъя. Сӧстӧммы».

Марк 4:39

Исус чеччис, ӧлӧдіс тӧвсӧ да тшӧктіс ваыслы: «Лӧнь, ланьт!» Тӧлыс ланьтіс, и вӧвлытӧм чӧв-лӧнь пуксис.

Марк 5:41

Сійӧ босьтіс нывкаӧс киӧдыс да шуис: «Талита куми». Тайӧ лоӧ: «Нылӧй, тэныд шуа: чеччы».

Марк 7:34

Сэсся енэжӧ видзӧдлӧмӧн ышловзис да шуис пельтӧмлы: «Эффата», мый лоӧ «Воссьы».

Марк 9:25

Исус аддзис, мый йӧзыс котӧрӧн чукӧртчӧны. Сэки ӧлӧдӧмӧн шуис пеж ловлы: «Кыв-вор кутысь, пельяс тупкысь пеж лов, тшӧкта тэныд: пет зонка пытшкысь да бӧрсӧ эн лысьт пырны сы пытшкӧ».

Лука 4:27

Елисей пророк дырйи Израильын унаӧн висисны проказаӧн, но сирияса Нееманысь кындзи некод эз бурд».

Лука 5:13

Исус нюжӧдіс кисӧ, инмӧдчыліс сы дінӧ да шуис: «Кӧсъя. Сӧстӧммы». Висьысьлӧн дойясыс дзик пыр бырисны.

Лука 7:14

Сэсся матыстчис да инмӧдчис гортъяс, нуысьяс сувтісны. Исус шуис: «Зонмӧй, тэныд шуа: чеччы!»

Иоан 11:43

Та бӧрын Исус гораа горӧдіс: «Лазар, пет сэтысь!»

Иоан 15:24

Ме кӧ эг вӧч налӧн син водзын сійӧ уджъяссӧ, кодъясӧс некод эз вӧчлы, сэки эськӧ найӧ эз вӧвны мыжаӧсь. Ӧні найӧ аддзылісны Менсьым уджъясӧс, но Менӧ да Менсьым Батьӧс мустӧмтӧны.

Иоан 5:21

Батьыс ловзьӧдӧ кулӧмаясӧс да сетӧ налы олӧм. Пиыс тшӧтш сетӧ олӧм, кодлы кӧсйӧ.