Матвей 6:5 - Коми Библия 2023

⁵ «Энӧ кевмысьӧй кык бана шаньгаяс моз. Асьнысӧ йӧз водзын петкӧдлӧм могысь найӧ радейтӧны синагогаясын да туйвежъясын сулалӧмӧн кевмысьны. Веськыда висьтала тіянлы: найӧ босьтӧны нин ассьыныс удждонсӧ.

Матвей 6:5 Kruisverwysings

Псалтыр 5:2

Господьӧй, кыв менсьым кывъясӧс, гӧгӧрво менсьым мӧвпъясӧс.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Шусьӧгъяс 16:5

Господь зывӧктӧ ыкша мортӧс, мыждытӧг сійӧс оз коль. [Бур туйыд веськыда вӧчӧмсянь заводитчӧ, вись вайӧм дорысь Енмыслы тайӧ шогманаджык. Господьӧс корсьысь аддзас тӧдӧмлун да веськыдлун, сьӧлӧмсяньыс Господьӧс корсьысь аддзас лӧньлун.]

Исай 1:15

Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь.

Еремей 29:12

Ті шыасянныд Ме дінӧ, локтанныд кевмысьны, и Ме кыла тіянӧс.

Даниил 6:10

Кор Даниил тӧдмаліс, мый ӧксы сетӧма татшӧм тшӧктӧм, сійӧ муніс гортас да кайис вылыс вежӧсас, кӧні ӧшиньясыс видзӧдісны Ерусалимлань. Воддза мозыс куимысь луннас сійӧ пидзӧсчанясьӧмӧн кевмысис аслас Енлы да ошкис Сійӧс.

Матвей 21:22

Мый коранныд кевмысиганыд эскӧмӧн, лоӧ тіянлы».

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Матвей 23:5

Найӧ ставсӧ вӧчӧны йӧзлы петкӧдлӧм могысь: ӧшлӧны ас выланыс ыджыд кудъяс, кузьмӧдӧны паськӧм дорыш тугъяссӧ.

Матвей 23:6

Найӧ радейтӧны гажӧдчанінын бурджыклаӧ пуксьыны, синагогаын водзын пукавны

Матвей 6:1

«Видзчысьӧй, тіян бур вӧчӧмныд мед оз ло йӧз водзын петкӧдлӧм могысь. Тадзи кӧ вӧчанныд, оз ло тіянлы енэжвыв Батьныдсянь удждоныс.

Матвей 6:16

«Видзаліганыд энӧ лоӧй жугыльӧсь кык бана шаньгаяс моз. Найӧ ветлӧны шог чужӧмӧн видзалӧмсӧ петкӧдлӧм могысь. Веськыда висьтала тіянлы: найӧ босьтӧны нин ассьыныс удждонсӧ.

Матвей 6:2

Корысьлы кӧ сетан, эн йӧзӧд тайӧс. Тадзи вӧчӧны кык бана шаньгаяс синагогаясын да йӧзаинъясын, ӧд найӧ йӧзсянь ошкӧм виччысьӧны. Веськыда висьтала тіянлы: найӧ босьтӧны нин ассьыныс удждонсӧ.

Матвей 9:38

Кевмӧй вунданінын Ыджыдыслы, мед ыстас Аслас вунданінӧ уджалысьясӧс».

Марк 11:25

Кевмысьны сувтіганыд прӧститӧй тіян водзын мыжмӧмаӧс, медым енэжвыв Батьныд прӧститас тіянлысь мыжъяснытӧ.

Марк 12:38

Велӧдігас Сійӧ висьтавліс: «Видзчысьӧй Индӧдӧ велӧдысьясысь. Найӧ радейтӧны кузь паськӧмӧн ветлыны, йӧзаинын чолӧмалӧмъяс кывзыны,

Лука 11:43

Курыд шог тіянлы, фарисейяс! Ті радейтанныд синагогаын водзын пукавны да йӧзаинын чолӧмалӧмъяс кывзыны.

Лука 18:1

Исус висьталіс велӧданвисьт, мый оз ков лигышмунны, а дугдывтӧг кевмысьны.

Лука 18:13

А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”

Лука 20:47

Найӧ куштӧны дӧваяслысь керкасӧ да асьнысӧ петкӧдлӧм могысь дыр кевмысьӧны. Но найӧс лоӧ чорыда мыждӧма».

Лука 6:24

Курыд шог тіянлы, озыръяс! Ті курыштінныд нин аслыныд олан гажсӧ.

Иоан 16:24

Ӧнӧдз ті нинӧм энӧ корлӧй Менам нимӧн. Корӧй, и лоӧ сетӧма тіянлы. Сэки тіян нимкодьлунныд лоӧ помтӧм-дортӧм.

Ефесӧ 6:18

Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.

1 Фессалоникаӧ 5:17

Дугдывтӧг кевмысьӧй.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.