Матвей 6:10 - Коми Библия 2023

¹⁰ Мед воас Тэнад Юралӧмыд. Мед инас Тэнад кӧсйӧмыд му вылын енэжын моз.

Матвей 6:10 Kruisverwysings

Неемий 9:6

[Ездра шыасис]: – Тэ – ӧти Господь! Тэ вӧчин енэжсӧ, енэжвыв енэжъяссӧ да вынъяссӧ, мусӧ да ставсӧ, мый сы вылын, саридзсӧ да ставсӧ, мый сэні эм. Тэ ставыслы сетан олӧм, енэжвыв вынъяс копрасьӧны Тэныд!

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Псалтыр 40:8

Менӧ мустӧмтысьяс вашкӧдчӧны ас костаныс, мӧвпалӧны меным лёксӧ вӧчны.

Исай 2:2

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Даниил 7:13

Войся аддзылӧмын меным нӧшта вӧлі петкӧдлӧма, мый енэжвывса кымӧръяс вылын локтіс Морт Пи кодь. Сійӧ матыстчис важысянь Олысь дінӧ, Сійӧс вайӧдісны важысянь Олысь водзӧ.

Даниил 7:27

Енэжувса ӧксыяслысь юралӧмсӧ да ыджыдалан вынсӧ лоӧ сетӧма Медвылыссалӧн вежа войтырлы. Медвылыссалӧн юралӧмыс лоӧ нэмъяс чӧж, и став юралысьясыс пондасны кесъявны Сылы да кывзысьны Сылысь».

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Матвей 16:28

Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны юравны локтысь Морт Пиӧс».

Матвей 26:42

Исус мӧдысь муніс да бара кевмысис: «Батьӧй, Ме дінысь кӧ оз позь вештыны тайӧ чашасӧ, Меным кӧ колӧ юны сійӧс, мед лоас Тэнад кӧсйӧм серти».

Матвей 3:2

«Бергӧдчӧй мыжъяссьыныд! Енэжвыв Юралӧмыс матын».

Матвей 4:17

Тайӧ кадсяньыс Исус пондіс юӧртны-висьтавлыны: «Бергӧдчӧй мыжъяссьыныд! Енэжвыв Юралӧмыс матын».

Матвей 7:21

Оз быдӧн, коді шуӧ Меным: ”Господьӧй, Господьӧй”, пыр Енэжвыв Юраланінӧ. Пырас сӧмын Менам енэжвыв Батьлӧн кӧсйӧм серти олысь.

Марк 11:10

Бурсиӧма миян Давид батьлысь локтан юралӧмсӧ, Господь нимӧн локтан юралӧмсӧ! Ошкӧм Медвылыссалы!

Марк 3:35

Ен кӧсйӧм серти олысь – Меным вок, чой да мам».

Лука 19:11

Заккей керкаын кывзысьяслы Исус висьталіс нӧшта ӧти велӧданвисьт, ӧд Сійӧ вӧлі Ерусалимсянь матын, и унаӧн чайтісны, мый регыд нин воас Енлӧн Юралӧмыс.

Лука 19:38

Найӧ шуалісны: – Бурсиӧма Господь нимӧн локтысь Ӧксыӧс! Лӧнь олӧм енэжын, ошкӧм Медвылыссалы!

Лука 22:42

«Батьӧй, кӧсъян кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Ап. уджъяс 13:22

Саулӧс вештӧм бӧрын пуктіс налы ӧксыӧ Давидӧс. Сы йылысь шуӧма: ”Ме аддзи Давидӧс, Ессейлысь писӧ, сійӧ Меным сьӧлӧм серти. Сійӧ пӧртас олӧмӧ Менсьым став кӧсйӧмӧс”.

Ап. уджъяс 21:14

Павелӧс кутны ми эгӧ вермӧй, сэки лӧнь сьӧлӧмӧн шуим: «Мед лоас Господьлӧн кӧсйӧм серти».

Ап. уджъяс 22:14

Сійӧ шуис меным: ”Миян батьяслӧн Ен бӧрйӧма тэнӧ, медым тэ тӧдін Сылысь кӧсйӧмсӧ, аддзин Веськыда Олысьӧс да кылін Сы вомсянь шуӧмсӧ.

Римӧ 12:2

Энӧ вужъясьӧй тайӧ мувывса оласногас. Лэдзӧй Енмыслы вежны тіянӧс, выльмӧдны вежӧрнытӧ, медым тӧдны тіянлы Сылысь кӧсйӧмсӧ: мый колана, шогмана да тыр-бур.

Ефесӧ 6:6

Энӧ вӧчӧй тадзи йӧз водзын асьнытӧ петкӧдлӧм могысь, но Кристослӧн кесйӧгъяс моз кывзысьӧй Енмыслысь став сьӧлӧмсяньныд.

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

1 Фессалоникаӧ 4:3

Енмыс кӧсйӧ, медым ті вӧлінныд вежаӧсь да видзинныд асьнытӧ кырсалӧмысь.

1 Фессалоникаӧ 5:18

Ставсьыс аттьӧалӧй Енсӧ, ӧд татшӧмъясӧн Енмыс кӧсйӧ аддзыны тіянӧс, Исус Кристослы эскысьясӧс.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Еврейяслы 10:36

Тіянлы колӧ зумыдлун, медым верминныд збыльмӧдны Енлысь тшӧктӧмсӧ да босьтны Сысянь кӧсйысьӧмасӧ.

Еврейяслы 10:7

Сэки Ме шуи: со, Ме локті, кыдзи гартӧм гижӧдас Ме йылысь гижӧма. Енмӧй, ме кӧсъя збыльмӧдны Тэнсьыд кӧсйӧмтӧ.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

1 Петыр 2:15

Енмыс кӧсйӧ, медым ті бур вӧчӧмнаныд тупкинныд мывкыдтӧм йӧзлысь вомсӧ.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.

Восьтӧм 19:6

Сэсся ме кылі йӧз чукӧрлысь шысӧ, быттьӧ уна шор бузгис-визувтіс, и чорыда гымаліс. Найӧ шуалісны: – Аллилуйя! Господь, Ставсӧвермысь Ен, ӧні лоис Ӧксыӧн!

Восьтӧм 20:4

Сэсся ме аддзи юралан пуклӧсъяс. Сэні пукалысьяслы вӧлі сетӧма мыждан вын. Ме аддзи ловъяссӧ налысь, кодъяслысь юрсӧ керыштісны Исус йылысь висьталӧм вӧсна да Ен кыв вӧсна. Найӧ эз копыртчывны зверлы да сылӧн серпаслы, эз сибӧдны зверлысь пассӧ плешканыс да кианыс. Найӧ ловзисны да юралісны Кристоскӧд сюрс во чӧж.