Матвей 5:3 - Коми Библия 2023

³ «Шудаӧсь ловныслы корысьяс, ӧд налӧн эм Енэжвыв Юралӧм.

Матвей 5:3 Kruisverwysings

2 Каднебӧг 33:12

Сьӧкыдалігас Манассей кутіс кевмысьны Господьлы, аслас Енлы. Сійӧ раммӧдчис аслас батьяслӧн Ен водзын.

2 Каднебӧг 33:19

Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

2 Каднебӧг 34:27

”Тэ небзьӧдін сьӧлӧмтӧ да раммӧдчин Ме водзын, кор тэ кылін, мый Ме висьтавлі тайӧ карыс да сэні олысьяс йылысь. Тэ раммӧдчин Ме водзын, косялін паськӧмтӧ да бӧрдін Ме водзын, та вӧсна Ме кылі тэнӧ, – висьталӧ Господь. –

2 Каднебӧг 7:14

и Менам нимӧн пасйӧм войтырӧй кӧ раммӧдчас, шыасяс Ме дінӧ кевмысьӧмӧн, эновтчас аслас лёк туйясысь да кутас корсьны Менӧ, сэки Ме кыла найӧс енэжсяньыс, прӧстита налысь мыжсӧ да бурдӧда налысь мусӧ.

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Псалтыр 1:1

Шуда сійӧ, коді оз ов лёк вӧчысь моз, оз ветлы мыжаяслӧн туйӧд, оз пукав Енсӧ омӧльтысьяслӧн чукӧрын.

Псалтыр 112:1

Аллилуйя! Господьлӧн кесйӧгъяс, ошкӧй Господьлысь нимсӧ!

Псалтыр 128:1

Крамӧ мунігӧн сьылӧм. Том кадсянь менӧ ёна дзескӧдісны – мед шуас тадзи Израиль –

Псалтыр 146:5

Миян Господьным ыджыд да вына, Сылӧн мывкыдлуныс пыдӧстӧм.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 34:18

Тэнад войтырлӧн ыджыд чукӧртчӧмын ме ошка Тэнӧ, уна йӧз пӧвстын ыдждӧдла Тэнӧ.

Псалтыр 41:1

Сьылысьясӧн веськӧдлысьлы. Корей пиянлӧн сьыланкыв.

Псалтыр 84:12

Збыльыс кыпӧдчӧ мусянь, веськыдлуныс видзӧдӧ енэжсянь.

Шусьӧгъяс 16:19

Ыкша йӧзкӧд мырддялӧм эмбур юклӧм дорысь бурджык гӧльяс пӧвстын раммӧдчӧмӧн овны.

Шусьӧгъяс 29:23

Мортлӧн асьсӧ вылӧ пуктӧмыс янӧдӧ сійӧс, рам сьӧлӧма пыдди пуктӧма лоас.

Шусьӧгъяс 8:32

Ныв-пиӧй, кывзӧй менӧ! Майбырӧсь менам туйӧд ветлысьяс.

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Матвей 11:6

Шуда сійӧ, коді оз ӧтдортчы Меысь».

Матвей 13:16

Ті шудаӧсь, ӧд тіян синныд аддзӧ да пельныд кылӧ.

Матвей 19:14

Исус шуис: «Лэдзӧй челядьсӧ. Энӧ кутӧй найӧс Ме дінӧ локтӧмысь. Енэжвыв Юраланінсӧ ӧд на коддьӧмлы лӧсьӧдӧма».

Матвей 24:46

Кесйӧгыс шуда, ыджыдыс кӧ гортас воигӧн аддзас сійӧс тадзи вӧчӧмӧн.

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Матвей 3:2

«Бергӧдчӧй мыжъяссьыныд! Енэжвыв Юралӧмыс матын».

Матвей 8:11

Висьтала тіянлы: унаӧн локтасны асыввылысь да рытыввылысь Енэжвыв Юраланінӧ. Найӧ ӧти пызан сайӧ пуксясны Ӧвраамкӧд, Исааккӧд да Яковкӧд.

Марк 10:14

Исус казяліс тайӧс да чорыда шуис налы: «Лэдзӧй челядьсӧ локны Ме дінӧ. Энӧ кутӧй найӧс. Енлысь Юраланінсӧ ӧд на коддьӧмлы лӧсьӧдӧма.

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Лука 18:14

Висьтала тіянлы: Ен водзын веськыдӧн муніс гортас вот перйысь, эз фарисей. Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Лука 22:29

Та вӧсна Ме сета тіянлы Юралӧм, кыдзи Батьӧй сетіс Меным.

Лука 22:30

Менам Юраланінын ті понданныд сёйны-юны Мекӧд ӧти пызан сайын да пуксянныд юралан пуклӧсӧ мыждыны израильса дас кык чужанкотырӧс».

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Иоан 20:29

Исус шуис сылы: «Тэ эскан, Менӧ аддзылін да. Шудаӧсь найӧ, кодъяс оз аддзыны, но эскӧны!»

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Яков 1:10

а озыр – улӧ лэдзӧмнас, ӧд сійӧ турунвывса дзоридз моз косьмас-бырас.

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

Восьтӧм 19:9

Андел шуис меным: «Гиж: шудаӧсь найӧ, кодъясӧс корӧма Балялӧн кӧлысь вылӧ». Сэсся содтіс: «Тайӧ Енлӧн збыль кывъясыс».

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.

Восьтӧм 3:17

Тэ шуан: ”Ме озыр, ме ёна нин озырми, менам ставыс эм”. Но тэ ӧмӧй он гӧгӧрво, мый тэ – коньӧрсьыс-коньӧр, шудтӧм, гӧль, синтӧм да пасьтӧм.