Матвей 4:3 - Коми Библия 2023

³ Сэки Сы дінӧ локтіс ыштӧдысь да шуис: «Тэ кӧ Ен Пи, пӧрт тайӧ изъяссӧ няньӧ».

Матвей 4:3 Kruisverwysings

Петӧм 16:3

«Бурджык миянлы вӧлі кувны Египет муын Господьлӧн ки помысь, – шуасисны Израиль пиян. – Сэні миян вӧліны яй тыра пӧртъяс, и няньсӧ ми пӧттӧдз сёйлім. А ӧні ті вайӧдінныд татчӧ овтӧминас, медым став тайӧ войтырыс тшыгйысла куліс».

Матвей 14:33

Пыжын пукалысьяс копыртчисны Исус водзӧ да шуисны: «Тэ збыльысь Ен Пи».

Матвей 16:16

Симон-Петыр вочавидзис: «Тэ – Кристос, ловъя Енлӧн Пи».

Матвей 26:63

Исус чӧв оліс. Аркирей шуис: «Ловъя Ен водзын висьтав миянлы, Тэ-ӧ Кристос, Ен Пи».

Матвей 3:17

Енэжсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Марк 1:1

Исус Кристос, Ен Пи йылысь Евангелльӧ пансьӧ,

Марк 3:11

Исусӧс аддзигӧн пеж ловъяс уськӧдчылісны Сы водзӧ да горзісны: «Тэ – Ен Пи!»

Марк 5:7

да лёкгоршӧн горӧдіс: «Мый Тэныд месянь колӧ, Исус, Медвылысса Енлӧн Пи? Енмӧн кора, эн пес менӧ!»

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Лука 22:70

Ставӧн шуисны: «Сідзкӧ, Тэ – Ен Пи?» Исус вочавидзис: «Ті асьныд тайӧс шуанныд».

Лука 4:3

Сэки омӧль шуис Сылы: «Тэ кӧ Ен Пи, пӧрт тайӧ изсӧ няньӧ».

Лука 4:41

Пеж ловъяс петісны уна йӧз пытшкысь да горзісны: «Тэ – Кристос, Ен Пи!» Исус ӧлӧдіс тайӧс висьтавлӧмысь, ӧд найӧ тӧдісны, мый Сійӧ – Кристос.

Лука 4:9

Омӧль нуӧдіс Исусӧс Ерусалимӧ, сувтӧдіс Сійӧс крам вевт вылӧ да шуис: «Тэ кӧ Ен Пи, шыбитчы тасянь.

Иоан 1:34

Ме аддзылі тайӧс да эскӧда тіянӧс: Сійӧ – Ен Пи».

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Иоан 20:31

Но тайӧс гижӧма, медым ті эскинныд, мый Исус эм Кристос, Ен Пи. Эсканныд кӧ, Сылӧн нимыс пыр тіянлы вичмас олӧм.

Иоан 9:35

Исус кывліс бурдӧдӧм мортӧс вӧтлӧм йылысь, корсис сійӧс да юаліс: «Эскан-ӧ тэ Ен Пилы?»

Ап. уджъяс 9:20

Савл дзик пыр пондіс юӧртны-висьтавны синагогаясын, мый Исус эм Ен Пи.

2 Коринфӧ 1:19

Силуанкӧд да Тимофейкӧд ми висьтавлім тіянлы Ен Пи йылысь – Исус Кристос йылысь. Сійӧ некор эз шулы ӧтпырйӧ ”сідз” и ”абу сідз”. Сы пытшкын ставыс вӧлі ”сідз”.

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

1 Фессалоникаӧ 3:5

Та вӧсна ме эг нин вермы виччысьнысӧ, а мӧдӧді тіян дінӧ Тимофейӧс, медым тӧдмавны тіян эскӧмныд йылысь, эз-ӧ ылӧдлы тіянӧс омӧльыс, эз-ӧ ло весьшӧрӧ миян уджным.

Еврейяслы 12:16

Тіян пӧвстын мед оз ло ни ӧти кырсалысь да Исав моз Енсьыс кежысь. Тасьті шыд вылӧ сійӧ вежис ассьыс медводдза чужысь нимсӧ.

Еврейяслы 4:14

Миян эм ыджыд Аркирей – Исус, Енлӧн Пи, коді муніс став енэжыс пыр. Сідзкӧ, зумыда кутчысям эскӧмас.

Еврейяслы 7:3

Мелкиседеклӧн эз вӧв бать-мамыс, эз вӧв чужанвужйыс. Сійӧ эз чужлы ни эз кувлы. Ен Пи моз сійӧ пыр кежлӧ Аркирей.

1 Иоан 3:8

А мыжсӧ вӧчысь – омӧльсянь, ӧд омӧльыс водзысянь мыжсӧ вӧчӧ. Та вӧсна Ен Пи и локтіс, мед жугӧдны омӧльыслысь уджъяссӧ.

Восьтӧм 2:10

Некутшӧм локтана сьӧкыдысь эн пов. Ӧткымынӧс тіян пиысь омӧльыс йӧршитас дзескыдінӧ, медым тӧдмавны тіянӧс. Сэки дас лун чӧж ті кутанныд сьӧкыдавны. Но тэ помӧдзыс ло эскана, и Ме сета тэныд Олӧмыслысь юркытш!