Матвей 3:6 - Коми Библия 2023

⁶ Йӧзыс висьтасисны асланыс мыжъясысь, и Иоан пыртіс найӧс Йӧрдан юын.

Матвей 3:6 Kruisverwysings

Ездра 10:1

Кор Енлӧн крам водзын Ездра бӧрдӧмӧн да муас уськӧдчӧмӧн кевмысис да висьтасис войтырыслӧн мыжъясысь, сы дінӧ чукӧртчис Израиль войтырысь зэв уна йӧз – айулов, аньяс и челядь. Ставныс найӧ тшӧтш ёна бӧрдісны.

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.

Шусьӧгъяс 28:13

Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Даниил 9:4

Ме кевмыси Господьлы, аслам Енлы, да висьтаси Сылы: «Господьӧй Енмӧй, Тэ ыджыд да повзьӧдана, Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Левит 16:21

пуктылас кыкнан кисӧ сылы юр вылас да висьтасяс Израиль пиянлӧн став мыжсьыс да лёк вӧчӧмсьыс. Тадзи Аарон пуктас налысь мыжъяссӧ кӧзалы юр вылас. Сэсся мед тшӧктас торъя мортлы нуӧдны кӧзасӧ овтӧминӧ.

Левит 26:40

Но найӧ висьтасясны асланыс да батьясныслӧн мыжысь, Меным паныд сувтӧмысь да Менӧ эновтӧмысь,

Лыд 5:7

Аслас мыж вӧчӧм йылысь сійӧ мед висьтасяс, и кодлы паныд мыжсӧ вӧчис, сылы мед вештысяс. Вештысян дон дінӧ мед содтас доныслысь витӧд пайсӧ.

Матвей 3:11

Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.

Марк 1:5

Иоан дінӧ локтіс уна йӧз Иудея му пасьталаысь да Ерусалим карысь. Йӧзыс висьтасисны асланыс мыжъясысь, и Иоан пыртіс найӧс Йӧрдан юын.

Лука 1:16

Израиль войтырысь сійӧ унаӧс бергӧдас налӧн Господь Енлань.

Лука 3:16

Иоан шуис налы: «Ме пырта тіянӧс ваӧн, но локтӧ меысь вынаджык, ме ог шогмы разьны Сылысь кӧмкот кӧвсӧ. Сійӧ пыртас тіянӧс Вежа Лолӧн да биӧн.

Ап. уджъяс 1:5

Иоан пыртіс ваӧн, но кымынкӧ лун мысти тіянӧс лоӧ пыртӧма Вежа Лолӧн».

Ап. уджъяс 11:16

Сэки меным тӧд вылӧ уси Господьлӧн шуӧмыс: ”Иоан пыртіс ваӧн, но тіянӧс лоӧ пыртӧма Вежа Лолӧн”.

Ап. уджъяс 19:18

Унаӧн эскӧм бӧраныс волісны да висьтасисны асланыс лёк уджъясысь.

Ап. уджъяс 22:16

А ӧні эн нюжмась, чеччы, шыась Господь дінӧ да пыртчы – мыськав ассьыд мыжъястӧ”.

1 Коринфӧ 10:2

Найӧ ставныс пыртчисны кымӧрын да саридзын да лоисны Мӧисей бӧрся мунысьясӧн.

Колосӧ 2:12

Пыртчиганыд тіянӧс гуалӧма да ловзьӧдӧма Кристоскӧд эскӧм пыр. Ті ӧд эскинныд Кристосӧс ловзьӧдысь Енлӧн вынӧ.

Еврейяслы 6:2

пыртчӧм да ки пуктылӧм йылысь, кулӧмысь ловзьӧм да пыр кежлӧ мыждӧм йылысь.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.

Нав Исус 7:19

Исус шуис Аканлы: «Пыдди пукты Израильлысь Господь Енсӧ да висьтась Сы водзын аслад мыжысь. Висьтав меным, мый тэ вӧчин, нинӧм эн дзеб».

1 Петыр 3:21

Тайӧ лоӧмторйыс индӧ миян пыртчӧм вылӧ, мый абу вир-яй вылысь няйт мыськӧм, но сӧстӧм сьӧлӧмсянь Енлы кӧсйысьӧм. Пыртчӧм пыр ми мездмам Исус Кристослӧн ловзьӧм вӧсна.

1 Иоан 1:9

А висьтасям кӧ мыж вӧчӧмысь, сэки веськыд да эскана Ен прӧститӧ мыжнымӧс да весалӧ миянӧс быд лёкысь.