Матвей 28:7 - Коми Библия 2023

⁷ Мунӧй ӧдйӧджык да юӧртӧй велӧдчысьясыслы, мый Исус ловзьӧма да виччысьӧ найӧс Галилеяын. Сэтысь найӧ аддзасны Сійӧс. Татшӧм юӧр менам тіянлы».

Матвей 28:7 Kruisverwysings

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Исай 45:21

Сёрнитчӧй ас костаныд, висьталӧй-вочавидзӧй. Коді важысянь юӧртіс та йылысь, водзысянь висьтавліс тайӧс? Эг-ӧ Ме, Господь? Меысь кындзи мӧд Енмыс абу! Ме веськыда вӧчысь Ен, Мездысь, Меысь кындзи мӧдыс абу!

Матвей 24:25

Со, Ме водзвыв висьталі тіянлы.

Матвей 26:32

Ловзьӧм бӧрам Ме виччыся тіянӧс Галилеяын».

Матвей 28:10

Исус шуис: «Энӧ полӧй! Мунӧй, висьталӧй вокъяслы, мед мунасны Галилеяӧ, сэтысь аддзасны Менӧ».

Матвей 28:8

Аньяс пырысьтӧм-пыр петісны дзебанінысь да полігтыр, но ёна нимкодясьӧмӧн, котӧртісны юӧртны та йылысь Исуслӧн велӧдчысьяслы.

Марк 14:28

Ловзьӧм бӧрам Ме виччыся тіянӧс Галилеяын».

Марк 16:10

Марья муніс да юӧртіс лоӧмтор йывсьыс Исускӧд ветлысьяслы, кодъяс ӧні шогсисны да бӧрдісны.

Марк 16:13

Найӧ бӧр косісны да юӧртісны мукӧдыслы, но весиг налы эз эскыны.

Лука 24:34

Велӧдчысьяс шуисны воӧмаяслы: «Господь збыльысь ловзьӧма! Сійӧ петкӧдчылӧма Симонлы».

Иоан 14:29

Ме водзвыв висьтала тайӧс, медым лоӧм бӧрас ті эскинныд Меным.

Иоан 16:4

Тайӧс Ме висьталі тіянлы, медым сійӧ кадыс воигӧн ті тӧд выланыд уськӧдінныд Менсьым кывъясӧс. Водзынсӧ тайӧс эг висьтавлы тіянлы, ӧд Ме вӧлі тіянкӧд».

1 Коринфӧ 15:4

Сійӧс вӧлі гуалӧма, но коймӧд луннас Енмыс ловзьӧдіс Сійӧс. Тадзи висьталӧма Гижӧдас.

1 Коринфӧ 15:6

сэсся ӧтпырйӧ петкӧдчис витсёысь унджык воклы. На пиысь унджыкыс ловъяӧсь на, ӧткымынӧн мӧдаръюгыдас нин вуджисны.