Матвей 2:4 - Коми Библия 2023

⁴ Ирӧд корис аркирейясӧс, Индӧдӧ велӧдысьясӧс да юаліс налысь: «Кӧні Кристос чужас?»

Матвей 2:4 Kruisverwysings

2 Каднебӧг 34:13

видзӧдісны из новлысьяс да мукӧд уджалысьяс бӧрся. Левитъяс пӧвстысь вӧліны тшӧтш гижалысьяс, чина йӧз да дзиръя видзысьяс.

2 Каднебӧг 34:15

Хилки шуис Шафан гижалысьлы: «Господьлӧн крамысь ме аддзи Индӧд небӧг». Хилки сетіс небӧгсӧ Шафанлы.

2 Каднебӧг 36:14

Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

Ездра 10:5

Ездра чеччис да тшӧктіс попъяслӧн, левитъяслӧн да став Израиль войтырлӧн веськӧдлысьяслы кыв сетны, мый найӧ вӧчасны шуӧм сертиныс. Найӧ кыв сетісны.

Ездра 7:6

Ездра локтіс Вавилонысь. Сійӧ вӧлі велӧдчӧм морт, бура тӧдіс Мӧисейлысь Индӧдсӧ, мый вӧлі сетӧма Господь, Израильлӧн Ен. Ӧксы сетіс Ездралы ставсӧ, мый сійӧ корис, ӧд Ездракӧд вӧлі Господь, сылӧн Енмыс.

Неемий 12:7

Саллу, Амок, Хилки да Едай. Исус аркирей кадӧ найӧ веськӧдлісны попъясӧн, асланыс вокъясӧн.

Псалтыр 2:2

Мувывса ӧксыяс ӧтувтчӧны, ыджыдалысьяс кыпӧдчӧны Господьлы паныд да Сылӧн Мавтыштӧмалы паныд, шуӧны:

Еремей 8:8

Ті шуаннныд, ми пӧ мывкыда йӧз, миян пӧ эм Господьлӧн Индӧдыс. Но, збыльвылас, Индӧдӧ велӧдысьяс Индӧдсӧ гижигӧн бергӧдісны сійӧс ылӧгас.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Матвей 13:52

Исус шуис налы: «Индӧдӧ велӧдысь, коді тӧдӧ Енэжвыв Юралӧмсӧ, керка кутысь кодь, коді аслас видзанінысь выльсӧ и важсӧ петкӧдӧ».

Матвей 2:3

Тайӧс кылӧм бӧрын Ирӧд ӧксы инас эз кут ӧшйыны, шызис тшӧтш дзоньнас Ерусалим карыс.

Матвей 2:5

Найӧ вочавидзисны: «Иудея муын, Виплием карын. Тадзи пророклӧн гижӧма:

Матвей 21:15

Аркирейяс Индӧдӧ велӧдысьяскӧд ёна дӧзмисны, кор аддзисны Сылысь шензьӧданаторъяс вӧчӧмсӧ да кылісны крамын челядьлысь горзӧм: «Ошкӧм Давид Пилы!»

Матвей 21:23

Исус локтіс крамӧ. Сэні велӧдігас Сы дінӧ матыстчисны аркирейяс да юрнуӧдысьяс. Найӧ юалісны: «Кутшӧм вынӧн Тэ ставсӧ тайӧс вӧчан? Коді Тэнӧ пуктіс тайӧс вӧчнысӧ?»

Матвей 26:3

Аркирейяс, Индӧдӧ велӧдысьяс да юрнуӧдысьяс чукӧртчисны Каиаф аркирейлӧн керкаӧ.

Матвей 26:47

Исуслӧн сёрнитігкості локтіс Иуда, дас кык велӧдчысьысь ӧти. Сыкӧд тшӧтш локтісны зоръясӧн да шыпуртъясӧн уна йӧз. Найӧс вӧлі мӧдӧдӧмаӧсь аркирейяс да юрнуӧдысьяс.

Матвей 27:1

Асывводзнас чукӧртчисны став аркирейыс юрнуӧдысьяскӧд. Найӧ сёрнитчисны да воисны ӧти кывйӧ: вины Исусӧс.

Матвей 7:29

Ӧд Сійӧ велӧдіс ыджыдалысьӧ пуктӧм морт моз, эз Индӧдӧ велӧдысьяс да фарисейяс моз.

Марк 8:31

Исус пондіс висьтавны велӧдчысьясыслы: «Морт Пилы уна сьӧкыд ковмас нуны. Юрнуӧдысьяс, аркирейяс да Индӧдӧ велӧдысьяс ӧтдортасны Сійӧс. Сійӧс виасны, но коймӧд луннас Сійӧ ловзяс».

Лука 20:19

Индӧдӧ велӧдысьяс да аркирейяс гӧгӧрвоисны, мый велӧданвисьтыс вӧлі на йылысь. Найӧ кӧсйисны босьтны Исусӧс, но полісны йӧзсьыс.

Лука 23:10

Сэні сулалысь аркирейяс да Индӧдӧ велӧдысьяс ӧтарӧ мыжалісны Исусӧс.

Иоан 18:3

Иуда вайӧдіс сэтчӧ шыпуртаясӧс да крам видзысьясӧс, кодъясӧс мӧдӧдісны аркирейяс да фарисейяс. Найӧ локтісны пӧнаръясӧн, биясӧн да шыпуртъясӧн.

Иоан 3:10

Исус вочавидзис: «Ачыд тэ – Израиль войтырӧс велӧдысь, а тайӧс весиг он тӧд?

Иоан 7:32

Кор фарисейяс кылісны Исус йылысь татшӧм сёрнисӧ, аркирейяскӧд ӧтвыв найӧ мӧдӧдісны крам видзысьясӧс кутны Исусӧс.

Иоан 8:3

Индӧдӧ велӧдысьяс да фарисейяс вайӧдісны Исус дінӧ аньӧс, кодӧс вӧлі кутӧмаӧсь гозъякост олӧм пежалӧмысь. Йӧз водзӧ сійӧс сувтӧдӧмӧн

Ап. уджъяс 23:9

Вензьысьяс лёкысь горзыны пондісны. Сэки фарисейяс лыдысь Индӧдӧ велӧдысьяс сувтісны да шуисны: «Тайӧ мортыслысь ми нинӧм лёксӧ огӧ аддзӧй. Гашкӧ, збыльысь сыкӧд сёрнитіс Лов либӧ андел. Вайӧ, огӧ пондӧй паныд сувтны Енмыслы».

Ап. уджъяс 4:5

Мӧд луннас чукӧртчисны Ерусалимӧ иудейяслӧн юралысьяс, юрнуӧдысьяс да Индӧдӧ велӧдысьяс.

Ап. уджъяс 6:12

Тадзи найӧ кыпӧдісны йӧзсӧ, юрнуӧдысьясӧс да Индӧдӧ велӧдысьясӧс Степанлы паныд. Сэсся босьтісны сійӧс да вайӧдісны веськӧдлан котыр водзӧ.