Матвей 2:2 - Коми Библия 2023

² Найӧ юалісны: «Кӧні иудейяслӧн пузчужӧм ӧксыыс? Асыввылысь ми аддзылім Сылысь кодзувсӧ да локтім Сылы копыртчывны».

Матвей 2:2 Kruisverwysings

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Псалтыр 45:11

Господь висьталӧ: «Сувтыштлӧй да тӧдӧй, мый Ме – Енмыс. Менӧ вылӧ кыпӧдӧны войтыръяс пӧвстын, Менӧ ошкӧны став му пасьтала».

Исай 60:3

Войтыръяс локтасны тэнад югыдыд дінӧ, ӧксыяс чукӧртчасны тэнад яръюгыд кыа дінӧ.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Еремей 30:9

а кутасны кесъявны Господьлы, асланыс Енлы, да Давидсянь чужысьлы, кодӧс Ме пукта налы ӧксыӧ.

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Матвей 2:3

Тайӧс кылӧм бӧрын Ирӧд ӧксы инас эз кут ӧшйыны, шызис тшӧтш дзоньнас Ерусалим карыс.

Матвей 21:5

– Висьталӧй Сион нывлы: Видзӧд, Ӧксыыд локтӧ тэ дінӧ! Сійӧ рам сьӧлӧма, пукалӧ осёл вылын, сийӧсалӧм осёллӧн чань вылын.

Матвей 27:11

Исусӧс вайӧдісны юралысь водзӧ. Юралысь юаліс: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Лука 19:38

Найӧ шуалісны: – Бурсиӧма Господь нимӧн локтысь Ӧксыӧс! Лӧнь олӧм енэжын, ошкӧм Медвылыссалы!

Лука 2:11

Талун Давид карын тіянлы чужис Мездысь – Господь Кристос.

Лука 23:3

Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Лука 23:38

Исус юр весьтын грек, латин да еврей кывъясӧн вӧлі гижӧма: «Тайӧ – иудейяслӧн Ӧксы».

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Иоан 12:13

Пальма росъяс босьтӧмӧн найӧ петісны Исуслы воча да горзісны: – Осанна! Бурсиӧма Господь нимӧн Локтысьӧс, Израильлысь Ӧксысӧ!

Иоан 18:37

Пилат шуис Сылы: «Сідзкӧ, Тэ Ӧксы?» Исус вочавидзис: «Тэ ачыд шуан, мый Ме Ӧксы. Ме чужи да локті муюгыдас, медым висьтавны збыль йывсьыс. Коді збыльыслӧн, сійӧ кывзӧ Менсьым кывъясӧс».

Иоан 19:19

Пӧвтор вылӧ Пилат тшӧктіс гижны: «Назаретса Исус, иудейяслӧн Ӧксы». Гижӧдсӧ ӧшӧдісны крест вылас.

Иоан 20:28

Фома вочавидзис: «Господьӧй, менам Енмӧй!»

Иоан 5:23

медым став йӧзыс бурӧ пуктісны Писӧ Батьсӧ моз. Коді оз бурӧ пукты Писӧ, сійӧ оз бурӧ пукты и Батьсӧ, коді мӧдӧдіс Писӧ.

Иоан 9:38

Бурдӧм морт шуис: «Эска, Господьӧй!» И копыртчис Сы водзӧ.

Еврейяслы 1:6

Муюгыдас Ассьыс медводдза Чужысьсӧ пыртігӧн Енмыс шуӧ: – Копыртчылӧй Сылы ставныд, Енлӧн анделъяс.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».