Матвей 15:22 - Коми Библия 2023

²² Сы дінӧ локтіс сэні олысь ханаанса ань да пондіс горзыны: «Господьӧй, Давид Пи! Ло бур сьӧлӧма ме дінӧ! Пеж лов пырӧма менам ныв пытшкӧ да чорыда песлӧдлӧ сійӧс».

Матвей 15:22 Kruisverwysings

Псалтыр 4:1

Сьылысьясӧн веськӧдлысьлы. Ворсӧны струнаа ворсанторйӧн. Давидлӧн псалом.

Псалтыр 45:12

Господь Саваоф миянкӧд, Яковлӧн Енмыс – миянӧс Дорйысьыс. Ошкӧм.

Псалтыр 6:2

Господьӧй, эн янӧд менӧ лӧгалігад, эн мыжды менӧ скӧралігад.

Езекиль 3:6

Тэнӧ мӧдӧдӧма абу тӧдтӧм кывъя да гӧгӧрвотӧм сёрниа войтыръяс дінӧ, кодъяслысь кывъяссӧ тэ он гӧгӧрво. На дінӧ кӧ мӧдӧді, найӧ эськӧ кывзісны тэнӧ.

Матвей 1:1

Исус Кристослӧн ордпуыс петӧ Ӧвраамсянь, сэсся Давидсянь. Сылӧн чужанвужйыс татшӧм.

Матвей 15:23

Исус кыв эз шу аньлы. Велӧдчысьясыс матыстчисны Исус дінӧ да шуисны: «Лэдз аньсӧ, сійӧ горзӧмӧн бӧрсяньным ветлӧдлӧ».

Матвей 17:15

корис: «Господьӧй, ло бур сьӧлӧма менам пи дінӧ. Сійӧ шыблалан висьӧмӧн висьӧ, тшӧкыда биӧ-ваӧ усьлӧ, таысь сылы ёна сьӧкыд.

Матвей 4:24

Сы йылысь юӧрыс разаліс Сирия му пасьтала. Исус дінӧ вайӧдлісны быдсикас висьысьӧс-вермытӧмӧс, пеж лолӧн кутӧмаясӧс, шыблалан висьӧмӧн висьысьясӧс, ки-коксӧ вӧрзьӧдны вермытӧмъясӧс. Сійӧ быдӧнӧс бурдӧдіс.

Матвей 9:27

Сэтысь мунігӧн Исус бӧрся вӧтчисны кык синтӧм морт. Найӧ пондісны горзыны: «Ло бур сьӧлӧма миян дінӧ, Давид Пи!»

Лука 17:13

найӧ горзісны: «Исус, Велӧдысь, ло бур сьӧлӧма миян дінӧ!»

Лука 18:13

А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”

Лука 6:18

Ставныс найӧ вӧлі локтӧмаӧсь кывзыны Исусӧс да бурдӧдчыны асланыс висьӧмъясысь. Весиг пеж лолӧн кутӧмаяс бурдалісны.