Матвей 14:8 - Коми Библия 2023

⁸ Мамыс велӧдӧм серти ныв шуис: «Вай меным тасьтіын Пыртысь Иоанлысь юрсӧ».

Матвей 14:8 Kruisverwysings

Ӧксыяслӧн 3 небӧг 18:13

Тэ ӧмӧй эн кывлы, менам ыджыдӧй, мый ме отсалі сё пророклы дзебсьыны, кор Езавель виаліс Господьлысь пророкъясӧс. Кык кырта горсйӧ ветымын мортӧн дзеби, верді-юкталі найӧс сэні.

Ӧксыяслӧн 3 небӧг 18:4

Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні.

Ӧксыяслӧн 3 небӧг 19:2

Езавель мӧдӧдіс Илля дінӧ юӧртысьӧс, тшӧктіс висьтавны сылы: «[Тэ кӧ Илля, а ме Езавель, сідзкӧ] енъяс мед ёна мыждасны менӧ, ме кӧ аски тайӧ кадӧдзыс ог вӧч тэкӧд сійӧ, мый тэ вӧчин пророкъяскӧд».

Ӧксыяслӧн 4 небӧг 11:1

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

Ездра 1:9

Дозмук-кӧлуй лыдыс вӧлі: комын зарни тасьті, сюрс эзысь тасьті, кызь ӧкмыс пурт,

Шусьӧгъяс 1:16

Налӧн кокныс котӧртӧ лёксӧ вӧчны, тэрмасьӧ вир кисьтны.

Шусьӧгъяс 29:10

Вир кисьтысьяс мустӧмтӧны сӧстӧма олысьӧс, веськыда олысьяс тӧждысьӧны сы вӧсна.

Лыд 7:13

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

Лыд 7:19

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

Матвей 14:11

Сэсся тасьтіын вайисны сылысь юрсӧ да сетісны нывлы, а нылыс нуис сійӧс мамыслы.

Матвей 14:7

Сійӧ кыв сетӧмӧн кӧсйысис нывлы: «Сета тэныд, мый коран».

Матвей 14:9

Ӧксы шогӧ усис, но гажӧдчысьяс водзын сетӧм кывйыс вӧсна тшӧктіс вӧчны нывлӧн корӧм серти.

Марк 6:24

Ныв петіс да юаліс мамыслысь: «Мый эськӧ корны?» Мамыс шуис: «Пыртысь Иоанлысь юрсӧ».

Марк 6:25

Ныв дзик пыр тэрмасьӧмӧн муніс ӧксы дінӧ да шуис: «Кӧсъя, мед дзик ӧні сетін меным тасьтіын Пыртысь Иоанлысь юрсӧ».

Марк 6:28

Шыпурта муніс дзескыдінӧ да керыштіс Иоанлысь юрсӧ. Сэсся тасьтіын вайис сылысь юрсӧ да сетіс нывлы, а нылыс – мамыслы.