Матвей 13:23 - Коми Библия 2023

²³ Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, гӧгӧрвоӧ сійӧс да вайӧ вотӧс. Ӧтияс вайӧны вотӧссӧ сё пӧв, мӧдъяс – квайтымын пӧв, коймӧдъяс – комын пӧв».

Матвей 13:23 Kruisverwysings

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 36:26

Ме сета тіянлы выль сьӧлӧм, пукта тіян пытшкӧ выль лов. Нетшышта морӧс кудсьыныд из сьӧлӧмнытӧ да сы пыдди пукта яй сьӧлӧм.

Матвей 12:33

«Бур пу вайӧ бур вотӧс, лёк пу – лёкӧс. Путӧ донъялӧны вотӧс сертиыс.

Матвей 13:8

Мукӧд кӧйдысыс усяс бур муӧ да ваяс уна тусь. Ӧтияс ваясны тусьсӧ сё пӧв, мӧдъяс – квайтымын пӧв, коймӧдъяс – комын пӧв.

Матвей 3:10

Черыс пу вужйыс дорын нин куйлӧ. Пуыс кӧ оз вай бур вотӧс, сійӧс кералӧны да шыбитӧны биӧ.

Матвей 3:8

Олӧмнад петкӧдлӧй мыжъяссьыныд бергӧдчӧмнытӧ.

Марк 10:15

Веськыда висьтала тіянлы: коді оз сибӧд Енлысь Юралӧмсӧ кага моз, сійӧ оз пыр Енлӧн Юраланінӧ».

Марк 4:20

Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, босьтӧ сійӧс сьӧлӧмас да вайӧ вотӧс. Ӧтияс вайӧны вотӧссӧ комын пӧв, мӧдъяс – квайтымын пӧв, коймӧдъяс – сё пӧв».

Лука 13:9

Локтан вонас кӧ оз вай вотӧссӧ, сэки керыштан сійӧс”».

Лука 8:15

Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, видзӧ сійӧс бур-сӧстӧм сьӧлӧмас да сьӧкыдлунсӧ венӧмӧн вайӧ вотӧс». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Лука 8:8

Мукӧд кӧйдысыс усяс бур муӧ, быдмас да ваяс тусьсӧ сё пӧвстӧн». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Иоан 8:47

Коді Енсянь, сійӧ кывзӧ Енлысь кывъяссӧ. А ті онӧ кывзӧй, ӧд ті абу Енсянь».

Ап. уджъяс 16:14

Сэні вӧлі Фиатираысь пурпур дӧраӧн вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ,

Ап. уджъяс 17:11

Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

2 Коринфӧ 9:10

Кӧдзысьлы кӧйдыссӧ Сетысьыс да няньӧн Пӧткӧдысьыс сетӧ кӧйдыссӧ тшӧтш тіянлы. Сійӧ быдтӧ тіянлысь пуктастӧ да уна пӧв содтӧ тіян веськыда олӧмлысь вотӧссӧ,

Филипӧ 1:11

кутанныд вайны веськыда олӧмыслысь вотӧссӧ Енсӧ ошкӧм да аттьӧалӧм могысь. Тайӧ уджсӧ кутас вӧчны тіян пытшкын Исус Кристос.

Филипӧ 4:17

Дерт, ме ог виччысь тіянсянь сетӧмторъяс, сӧмын кӧсъя, медым тіян сетӧмторныд уна пӧвстӧн бӧр бергӧдчис тіянлы.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

Колосӧ 1:6

Тайӧ кывйыс паськалӧ став му пасьталаыс да вайӧ вотӧс. Ӧні сійӧ паськалӧ да вайӧ вотӧссӧ тшӧтш тіян пӧвстын. Бур Юӧрсӧ кылӧм бӧрын ті збыльысь гӧгӧрвоинныд Енлысь буралӧмсӧ.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

2 Фессалоникаӧ 2:10

Сійӧ быд ногыс кутас ылӧдлыны найӧс, кодъяс мунӧны кулӧмас. Ӧд найӧ мустӧмтісны мездана збыльсӧ.

Еврейяслы 4:2

Египетысь петысьяслы миянлы моз вӧлі висьталӧма Бур Юӧрсӧ, но тайӧ нинӧм эз сет налы, ӧд найӧ эз эскыны тайӧ Юӧрыслы да эз сибӧдны сійӧс сьӧлӧманыс.

Еврейяслы 6:7

Зэрӧн унаысь кӧтӧдлӧм му кӧ вайӧ му вӧдитысьлы бур быдтас – Енмыс тайӧ мусӧ бурсиӧ.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.