Матвей 12:41 - Коми Библия 2023

⁴¹ Ниневия карын олысьяс сувтасны мыждан лунӧ ӧнія олысьяскӧд да мыжаласны найӧс. Ӧд Ионалӧн юӧртӧм бӧрын ниневияса йӧз бергӧдчисны асланыс мыжъясысь. Но тані тіянкӧд Сійӧ, коді Иона дорысь ыджыдджык.

Матвей 12:41 Kruisverwysings

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Еремей 3:11

Господь шуис меным: «Менӧ эновтысь Израиль вӧчис веськыдаджык ылӧдчысь Иуда дорысь.

Иона 1:2

«Мун Ниневияӧ, тайӧ ыджыд карас, да юӧрт сэні йӧзыслы, мый Ме мыжда найӧс. Налӧн лёк вӧчӧмъяс йылысь юӧрыс воис Менам пельӧдз».

Иона 3:4

Иона лунтыр ветлӧдліс карӧд да юӧртіс йӧзыслы, мый нелямын лун мысти Ниневия карнысӧ лоӧ бырӧдӧма.

Матвей 12:39

Исус воча шуис: «Лёк да пежас ылалӧм йӧз кӧсйӧны аддзывны индысьпас, но Иона пророк пасысь кындзи оз ло налы мӧдыс.

Матвей 12:42

Лунвыв муысь ӧксы-ань сувтас мыждан лунӧ ӧнія олысьяскӧд да мыжалас найӧс. Ӧд му помсяньыс сійӧ воліс кывзыны Соломонлысь мывкыд сёрнисӧ. Но тані тіянкӧд Сійӧ, коді Соломон дорысь ыджыдджык».

Матвей 12:45

Сэки мунӧ да босьтӧ аскӧдыс сизим пеж лолӧс, ассьыс на лёкджыкъясӧс, сэсся ставныс найӧ овмӧдчӧны важ оланінас. Тайӧ мортыслы воддза дорсьыс нӧшта на лёкджык лоӧ. Тадзи жӧ лоӧ ӧнія лёк йӧзлы».

Матвей 12:6

Висьтала тіянлы: тані Сійӧ, коді крам дорысь ыджыдджык.

Матвей 16:4

Лёк да пежас ылалӧм йӧз кӧсйӧны аддзывны индысьпас, но Иона пророк пасысь кындзи оз ло налы мӧдыс». Сэсся Исус колис найӧс да муніс сэтысь.

Матвей 17:17

Исус шуис: «Эскытӧм-ылалӧм йӧз! Дыр-ӧ на Меным овнысӧ тіянкӧд? Дыр-ӧ на Меным видзӧдны тіянӧс? Вайӧдӧй Ме дінӧ зонкасӧ».

Матвей 23:36

Веськыда висьтала тіянлы: таысь ставсьыс мыжыс усьӧ ӧнія олысьяс вылӧ!»

Лука 11:32

Ниневия карын олысьяс сувтасны мыждан лунӧ ӧнія олысьяскӧд да мыжаласны найӧс. Ӧд Ионалӧн юӧртӧм бӧрын ниневияса йӧз бергӧдчисны асланыс мыжъясысь. Но тані тіянкӧд Сійӧ, коді Иона дорысь ыджыдджык».

Иоан 3:31

Вылісянь Локтысьыс ставсьыс вылын. Мувывса мортсӧ вӧчӧма муысь, сійӧ сёрнитӧ мувывсаыс йылысь. А енэжсянь Локтысьыс ставсьыс вылын.

Иоан 4:12

Тэ ӧмӧй Яков батьным дорысь ыджыдджык? Тайӧ юкмӧссӧ сійӧ сетӧма миянлы. Татысь сійӧ ачыс юлӧма, тшӧтш сылӧн пияныс да пемӧсъясыс».

Римӧ 2:27

Индӧд серти олысь, коді абу вундыштчӧма, кутас мыждыны тэнӧ, вундыштчӧмаӧс да Индӧд тӧдысьӧс, ӧд тэ торкалан Индӧдсӧ.

Еврейяслы 11:7

Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.