Матвей 10:17 - Коми Библия 2023

¹⁷ Видзчысьӧй йӧзысь, ӧд найӧ кыскасны тіянӧс ёрдӧ да асланыс синагогаясын нӧйтасны тіянӧс.

Матвей 10:17 Kruisverwysings

Микей 7:5

Ёртыдлы эн эскы, матыссаыд вылӧ лачатӧ эн кут. Вомтӧ каличав весиг гӧтырыд водзын, коді тэкӧд ӧти вольпасьын куйлӧ.

Матвей 10:18

Ме вӧсна тіянӧс нуӧдасны юралысьяс да ӧксыяс водзӧ, медым найӧ да ентӧдтӧмъяс тӧдісны Ме йылысь.

Матвей 20:19

сетасны ентӧдтӧмъяс киӧ. Найӧ сераласны-лёкӧдасны Сійӧс, чорыда нӧйтасны, сэсся тувъяласны крестӧ. Но коймӧд луннас Сійӧ ловзяс».

Матвей 23:34

Ме мӧдӧда тіян дінӧ пророкъясӧс, сюсь вежӧра йӧзӧс да велӧдысьясӧс. Ӧтиясӧс вианныд да крестӧ тувъяланныд, мӧдъясӧс синагогаын чорыда нӧйтанныд да карысь карӧ вӧтланныд.

Матвей 26:59

Аркирейяс, юрнуӧдысьяс да став веськӧдлан котырыс корсисны Исуслы паныд ылӧгвисьталысьясӧс, медым сэсся мыждыны да вины Сійӧс.

Матвей 5:22

Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Марк 13:12

Вокыс воксӧ сетас вины, батьыс – писӧ. Ныв-пиыс сувтасны бать-мамыслы паныд да виасны найӧс.

Марк 13:9

Видзӧдӧй ас бӧрсяныд. Тіянӧс кыскасны ёрдӧ да нӧйтасны синагогаясын. Ме вӧсна тіянӧс нуӧдасны юралысьяс да ӧксыяс водзӧ, медым найӧ тӧдісны Ме йылысь.

Лука 12:11

Кор тіянӧс нуӧдасны синагогаясӧ да юралысь-веськӧдлысьяс водзӧ, энӧ майшасьӧй, кыдзи дорйыны асьнытӧ да мый шуны.

Иоан 11:47

Аркирейяс да фарисейяс чукӧртісны веськӧдлан котыр да сёрнитісны: «Мый миянлы вӧчны? Тайӧ Мортыс уна шензьӧданатор вӧчӧ.

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

Ап. уджъяс 17:14

Сэки вокъяс дзик пыр ыстісны Павелӧс саридз дорӧ, а Сила да Тимофей кольччисны карас.

Ап. уджъяс 22:19

Ме шуи: ”Господьӧй, найӧ ӧд тӧдӧны, мый ме ветлӧдлі синагогаысь синагогаӧ, пуксьӧдавлі Тэныд эскысьясӧс дзескыдінӧ да чорыда нӧйтлі найӧс.

Ап. уджъяс 26:11

Ме унаысь чорыда нӧйтлі найӧс синагогаясын, медым найӧ омӧльтісны Исусӧс. Ме вӧлі тырӧма скӧрлунӧн, вӧтлыси на бӧрся весиг мукӧд каръясӧдз.

Ап. уджъяс 9:2

да корис сысянь дамаскса синагогаясӧ гижӧд, медым Исуслы эскысь айуловӧс да аньясӧс позис кӧртавны да вайӧдны Ерусалимӧ.

Филипӧ 3:2

Видзчысьӧй ”понъясысь”, ӧд тайӧ лёк вӧчысьясыс тшӧктӧны вундыштчыны.

2 Тимофейлы 4:15

Видзчысь сыысь. Сійӧ ёна паныд сувтіс миян велӧдӧмлы.

Еврейяслы 11:36

Ӧтиясӧс нӧйтісны орсӧн, лёкӧдісны да чептӧн дорӧмӧн видзисны дзескыдінын.